ជីវិតកម្សាន្ដ

Chompoo ទម្លាយអារម្មណ៍ឈឺចាប់ ពេលទទួលដំណឹងថាប្ដីមានស្រីកំណាន់លួចលាក់

បានផុស

៣ years មុន

នៅ

ថ្ងៃចន្ទ ១៣ កុម្ភៈ ២០២៣

ដោយ

គូស្នេហ៍តារាជួរមុខក្នុងប្រទេសថៃ Chompoo Araya និងអ្នកជំនួញដ៏ល្បីឈ្មោះ Nott Wisarut ថ្មីៗនេះកំពុងតែមានបញ្ហាថា ស្វាមីបានលួចលាក់ចិញ្ចឹមស្រីកំណាន់ រហូតបង្កភាពចលាចលក្នុងគ្រួសារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញនៅលើបណ្ដាញសង្គម Instagram ដែលមានឈ្មោះថា polyplus_jad_hai បានបង្ហាញឃ្លិបពីបទសម្ភាសន៍របស់ Chompoo-Nott ក្នុងកម្មវិធី 3 Zaap កាលពីកន្លងទៅមិញដែលមានវគ្គខ្លះនិយាយអំពីរឿងដែលបានកើតឡើងកន្លងមករវាងគូស្នេហ៍នេះ។

Chompoo បានបកស្រាយថា “ខ្ញុំមិនយល់ថាហេតុអ្វីបានជាមនុស្សធ្វើបែបនេះដាក់ពួកយើង។ នេះលើសពីអ្វីដែលមិនសមហេតុផលទាល់តែសោះ! ព្រោះយើងមិនដែលធ្វើបាបអ្នកណាឡើយ។ ប៉ុន្តែវាជារឿងធម្មតានៅពេលមាននរណាម្នាក់ប៉ះរឿងគ្រួសារយើង។ ជាពិសេសខ្ញុំជាមនុស្សដែលឲ្យតម្លៃស្ថាប័នគ្រួសារជាធំ។ ទោះពួកយើងជាមនុស្សមហាជន តែប្រសិនបើមានអ្នកណាមកប៉ះគ្រួសារនិងអ្នកផ្ទះយើង យើងក៏មិនចូលចិត្តដែរ”។

ដោយឡែកងាកទៅខាងស្វាមីវិញគឺសេដ្ឋី Nott Wisarut ក៏បានទម្លាយដូចគ្នាដែរថា ពេលមានព័ត៌មានជាមួយនរណាម្នាក់ អ្នកដែលយកចិត្តទុកដាក់បំផុតគឺប្រពន្ធរបស់គាត់។ ដូចព័ត៌មាននេះ “ខ្ញុំចំណាយពេល ១ នាទីជម្រះដោយទូរស័ព្ទទៅអ្នកដែលពាក់ព័ន្ធ។ ដូចដែលបាននិយាយ មនុស្សដែលយើងយកចិត្តទុកដាក់បំផុតគឺមនុស្សក្នុងគ្រួសារយើង។ ខ្ញុំជាស្វាមីតារា ប៉ុន្តែខ្ញុំមិនមែនជាអ្នកកម្សាន្តទេ។ តើប្រព័ន្ធផ្សព្វផ្សាយសង្គមប៉ះពាល់ដល់អាជីពរបស់ខ្ញុំទេ”?

មកទល់ពេលនេះគូស្នេហ៍ Chompoo Araya និងស្វាមីហៃសូ Nott Wisarut បានរៀបអាពាហ៍ពិពាហ៍និងរួមរស់ជាប្ដីប្រពន្ធអស់រយៈពេល៧ឆ្នាំ ព្រមទាំងមានកូនប្រុសស្រីជាចំណងដៃដល់ទៅ៣នាក់ថែមទៀត។ ត្បិតថាមានរឿងអាស្រូវពាក់ព័ន្ធនឹងស្រីចិញ្ចឹមក្ដី តែយ៉ាងណាអ្នកទាំងពីរបានចេញមុខបកស្រាយការសង្ស័យនេះឲ្យមហាជនបានដឹងហើយថា គ្រប់យ៉ាងគឺជាក្រុមអ្នកស្អប់គ្រួសារគេ ដែលព្យាយាមបង្កើតព័ត៌មានឡើងមក៕