សុភ័ក្រ្ត កុសុម៉ា បំផុសការចូលរួមផ្ដល់ឈាម “ឈា មខ្ញុំ សម្រាប់អ្នក”

ដើម្បីរួមចំណែកជួយសង្គ្រោះជីវិតពលរដ្ឋ និងអ្នកជំងឺដែលកំពុងត្រូវការឈាមជាចាំបាច់ តារាសម្តែង និងជាពិធីការិនី កញ្ញា សុភ័ក្រ្ត កុសុម៉ា បានអំពាវនាវ ក៏ដូចជាបំផុសដល់អ្នកគាំទ្រចូលរួមបរិច្ចាគឈាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីការងារសប្បុរសធម៌ទាំងនោះកំពុងទទួលបានការគាំទ្រពីសំណាក់មហាជន កញ្ញា សុភ័ក្រ្ត កុសុម៉ា បានចេញមកបំផុសអ្នកគាំទ្រ និងមហាជនដើម្បីចូលរួមបរិច្ចាឈាមជួយដល់សង្គម។ ពិធីការិនី សុភ័ក្រ កុសុម៉ា បានលើកឡើងថា៖ “តោះមានបងប្អូនណាខ្លះចង់ចូលរួមធ្វើបុណ្យរួមគ្នាមួយនាងខ្ញុំតាមរយៈការផ្ដល់ឈាម ក្រោមប្រធានបទ “ឈាមខ្ញុំ ស ម្រាប់អ្នក”។ តោះត្រៀមខ្លួនជួបខ្ញុំនៅថ្ងៃទី១៩ ខែកុម្ភៈ ដែលមានទីតាំងនៅអូឡាំព្យា”។

តាមការកត់សម្គាល់ កញ្ញា សុភ័ក្រ្ត កុសុម៉ា កន្លង មកនាងតែងតែបង្ហាញសកម្មភាពសប្បុរសធម៌ជាបន្តបន្ទាប់ដើម្បីចូលរួមចំណែកជួយដល់សង្គម។ សកម្មភាពសប្បុរសធម៌ទាំងនោះមានដូចជា ការជួយដល់កុមារខ្វះខាតនៅតំបន់ដាច់ស្រយាល ក្មេងកំព្រា និងចាស់ជរាជាដើម។

ទង្វើរនេះត្រូវបានទស្សនិកជន និងអ្នកប្រើប្រាស់បណ្តាញសង្គមហ្វេសប៊ុកចាត់ទុកថា ជាសកម្មភាពមនុស្សធម៌គំរូមួយក្នុងការងារចូលរួមចំណែកជួយដល់សង្គម។ តាមរយៈនេះនាងក៏ត្រូវបានអ្នកនិយមលេងបណ្តាញសង្គមហ្វេសប៊ុកជាច្រើនដាក់ក្តីរំពឹងថា កុសុម៉ា បន្តធ្វើសកម្មភាពមនុស្សធម៌បន្ថែមទៀតដើម្បីក្លាយជាតារាគំរូល្អដល់តារាប្រុស-ស្រីដទៃទៀតដែលគួរឆ្លៀតឱកាស ឬពេលវេលាផ្ទាល់ខ្លួនរួមចំណែកការងារសង្គម៕

អត្ថបទ៖ ចាន់រ៉ា