ដឹងមូលហេតុ Ronaldo ស្រឡាញ់មិត្តស្រីខ្លាំង បាត់មុខមិនបាន

មកទល់នឹងឆ្នាំ២០២៣នេះ ទំនាក់ទំនងស្នេហារវាង​កំពូលកីឡាករបាល់ទាត់ Cristiano Ronaldo និងមិត្តស្រី Georgina បានបន្តជាមួយគ្នាអស់រយៈពេលជាង ៧ឆ្នាំមកហើយ។ ថ្វីត្បិតគូស្នេហ៍នេះមិនទាន់រៀបការស្របច្បាប់ ឬតាមប្រពៃណីលោកខាងលិច ប៉ុន្តែទំនាក់ទំនងអ្នកទាំងពីរពុំធ្លាប់លេចឮរឿងជម្លោះ ព័ត៌មានប្រេះឆា ឬរឿងអាស្រូវ ដែលនាំឱ្យគ្រួសាររងភាពអាម៉ាស់ចំពោះមហាជនឡើយ ខណៈពីមួយថ្ងៃទៅមួយថ្ងៃ Ronaldo និង Georgina កាន់តែផ្អែមល្ហែមជាមួយគ្នាលើសមុន។

តាមពិតមូលហេតុដែលនាំ Ronaldo លង់ស្នេហ៍នឹងមិត្តស្រីបានមកទល់ពេលនេះ ទើបតែត្រូវបានទម្លាយកាលពីពេលថ្មីៗនេះឯង តាមរយៈបទសម្ភាសន៍ជាមួយតារាម៉ូដែលវ័យ ២៩ឆ្នាំ នាង Georgina Rodríguez ។

Georgina និយាយនៅក្នុងបទសម្ភាសន៍មួយថា ជាទូទៅ ​Ronaldo មិនចូលចិត្តធ្វើម្ហូបនោះទេ ហើយក៏មិនដែលចូលចង្រ្កានម្ដងណាឡើយ ប៉ុន្តែលោកចូលចិត្តបាយម្ហូបនៅផ្ទះ ជាជាងកុម្មង់គេ ឬចេញទៅញ៉ាំនៅខាងក្រៅ។ ដោយសារតែបែបនេះទើប Georgina បានក្លាយជាស្ត្រីមេផ្ទះយ៉ាងល្អ ដោយនាងតែងតែចម្អិនម្ហូបអាហារដោយផ្ទាល់ជូនមិត្តប្រុសសំណព្វ និងកូនៗ។

ក្រោយស្ដាប់ការ​ចែក​រំលែក​របស់មិត្ត​ស្រី​ Ronaldo អ្នក​គាំទ្រជាច្រើនអាចស្មានដឹងថា ខ្សែប្រយុទ្ធវ័យ ៣៨ឆ្នាំ ពិតជាចូលចិត្តញ៉ាំអាហារឆ្ងាញ់ៗ ដែលធ្វើដោយដៃមិត្តស្រីរបស់លោក ជាជាងបាយក្រៅ ហើយនេះទំនងជាមូលហេតុដែលនាំឱ្យកំពូលកីឡាករព័រទុយហ្គាល់ លង់ស្រឡាញ់មិត្តស្រី បាត់មុខមិនបាន។ មិនតែប៉ុណ្ណោះ កីឡាករបាល់ទាត់រូបនេះ កម្រចូលរួមកម្មវិធីសាធារណៈធំៗ ដោយគ្មានវត្តមានមិត្តស្រីនោះឡើយ៕

ប្រែសម្រួល៖ សន្យា

ចុចអាន៖ ទើបដឹងរឿង! Ronaldo បានព្យាយាមឃាត់ Aboubakar ពីការចាកចេញពី Al-Nassr ដោយសារវត្តមានរបស់គេ

ចុចអាន៖ ការពិតនានាពី Georgina មិត្តស្រីរបស់ Ronaldo គ្មាននរណាធ្លាប់ខ្វល់ឡើយ