ឈុតឡើងយន្តហោះរបស់ Bella ទាក់ទាញភ្នែកមហាជនដោយសារសម្រស់ធម្មជាតិ

កាលពី​ពេលថ្មីនេះៗតារា​សម្ដែង​ស្រី Bella Ranee បាន​ស្លៀក​ឈុត​យ៉ាង​សាមញ្ញ​ទៅ​ប្រលានយន្តហោះ​ ក្នុង​ដំណើរ​ទៅ​កាន់ប្រទេសអ៊ីតាលី ស្របពេលដែលសម្រស់​របស់នាង​បាន​ទាក់ទាញ​ភ្នែក​មហាជន​​​​មាន​វត្តមាន​នៅទីនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួឯកស្រីក្នុងរឿង “ភ្លើងបុណ្យ​” រូបនេះ បានជ្រើសរើសយកឈុតកីឡាពណ៌ខៀវចាស់ ខណៈនាងបង្ហាញ​ខ្លួនជាមួយ​នឹង​សម្រស់​យ៉ាងសាមញ្ញដោយពុំមានការតុបតែងមុខខ្លាំងដូចពេលចូលកម្មវិធីធំៗ ព្រមទាំងគ្រវីដៃស្វាគមន៍ទាំងអ្នកគាំទ្រ និងសារព័ត៌មានដូចធម្មតា។ ចំពោះសំលៀកបំពាក់ដែលនាងស្លៀកគឺជាប្រេនលំដាប់មួយមកពី Fendi ដែលបង្ហាញថាវាងាយស្រួលស្លៀកឡើងយន្តហោះដើម្បីចូលរួមកម្មវិធី FENDI Women’s Fall/Winter 2023 ដែលនឹងប្រព្រឹត្តទៅនៅថ្ងៃទី ២២ ខែកុម្ភៈ ក្នុងទីក្រុង Milan ប្រទេសអ៊ីតាលី។

យ៉ាងណាមិញនេះមិនមែនជាលើកទីមួយទេ ដែលតារា​សម្ដែង​ស្រី Bella Ranee តុបតែងខ្លួនបែបសាមញ្ញឡើងយន្តហោះ អាចថានេះជាទម្លាប់របស់នាងដោយមិនមានការតុបតែងរញ៉េរញ៉ៃច្រើន។ ត្បិតថាមានអាយុជ្រេហើយក្ដី តែសម្រស់នាងនៅតែលេចធ្លោខ្លាំង និងទាក់ភ្នែកទស្សនិកជនដែលឃើញរូបនាងនៅខាងក្រៅកញ្ចក់អេក្រង់បែបនេះ៕

ប្រែសម្រួល៖ សាង ស្រីល័ក្ខ

ចុចអាន៖ឆ្នាំ ២០២៣ តារាថៃ ៥ រូប មានអ្នកតាមដានលើ IG ច្រើនជាងគេបំផុត

ចុចអាន៖មង្គលការ Ananda សុទ្ធតែតារាល្បីៗប្រចាំប្រទេសថៃ ចូលរួមអបអរ