ជីវិតកម្សាន្ដ

ក្រោយប្រកាសជិតរៀបការ Kimberly បង្ហាញរាងលើកនេះកាន់តែប្លែក

បានផុស

៣ years មុន

នៅ

ថ្ងៃព្រហស្បតិ៍ ២៣ កុម្ភៈ ២០២៣

ដោយ

បន្ទាប់ពីប្រកាសដំណឹងជិតរៀបអាពាហ៍ពិពាហ៍នាពេលខាងមុខ ជាមួយមិត្តប្រុស Mark Prin និងថែមទាំងជិតក្លាយជាកូនក្រមុំ តារាសម្ដែង Kimberly តែងតែបង្ហាញសកម្មភាពហាត់ប្រាណយ៉ាងតឹងរឹង ព្រមទាំងវិធីថែសុខភាពសឹងតែរាល់ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកកាលពីព្រឹកមិញនេះ តារាសម្ដែង Kimberly បានបង្ហោះរូបភាពប៉ុន្មានសន្លឹកបង្អួតរាងស្លីមស្អាតក្នុងសំលៀកបំពាក់ហាត់ប្រាណពណ៌ត្នោត ព្រមទាំងធ្វើកាយវិការអេនអនគួរខ្នាញ់ថែមទៀត។ យ៉ាងណាមិញរូបភាពរបស់នាងក៏បានទាក់ភ្នែកមហាជនជាច្រើនចូលមកបញ្ចេញមតិសរសើរខុសៗគ្នាថា សម្រស់របស់ Kimberly បច្ចុប្បន្នហាក់ប្លែកខ្លាំង និងស្រស់ស្អាតដើម្បីត្រៀមខ្លួនក្លាយជាកូនក្រមុំពិសេស។ ពិតជាភ្ញាក់ផ្អើលណាស់! ព្រោះមើលទៅនាងរាងកាន់តែស្វែលស្អាតមួយកម្រិតទៀត ខណៈអ្នកគាំទ្រមួយចំនួនទៀតបានយល់ស្របថា កាន់តែជិតរៀបការនាងកាន់តែមានរាងស្អាតស៊ិចស៊ី ប្រហែលដល់ថ្ងៃពិសេស អាចមើលលែងស្គាល់ផងមិនដឹង!

មកទល់ពេលនេះ គូស្នេហ៍ Mark Prin និង Kimberly បានប្រកាសដំណឹងរៀបការថា នឹងធ្វើឡើងនាចុងឆ្នាំ២០២៣ ស្របពេលដែលវីឡាដែលត្រៀមរស់នៅជាមួយគ្នាជិតសាងសង់រួចរាល់ថែមទៀត។ លើសពីនេះ ងាកទៅមិត្តស្រីរបស់ Mark តែងតែបង្ហាញវិធីថែទាំរាងរៅឲ្យស្រឡូន និងថែរសម្រស់កាន់តែស្រស់ស្អាតទ្វេរដង ដោយបញ្ចាក់ថា នាងកំពុងត្រៀមខ្លួនក្លាយជាកូនក្រមុំនាពេលខាងមុខហើយ៕