Aum បញ្ចេញឈុតផ្អែមល្ហែមជាមួយតារាប្រុស Kem Hussawee

អ្នកគាំទ្ររបស់ Aum Patcharapha និង Kem Hussawee ពិតជាមានការភ្ញាក់ផ្អើលជាខ្លាំង បន្ទាប់ពី​ឃើញឃ្លិបរបស់តារាសម្ដែងទាំងពីរដួងនេះ បង្ហាញពីភាព​ផ្អែមល្ហែមជាមួយគ្នា​នៅឯអាហារ​ពេលល្ងាច​ជាប់​សមុទ្រមួយកន្លែង។

តាមរយៈ​ឃ្លិប​ដែល​បាន​បង្ហោះ​នៅ​រាត្រី​ដ៏​រ៉ូមែនទិក​នេះ តាមពិតគឺ​ជា​ឈុតខ្លះៗ​នៃ​ខ្សែភាពយន្ត​ដែល​អ្នកទាំងពីរ​បាន​សម្ដែង​រួមគ្នា​មាន​ចំណងជើង​ថា “Lhom Pud Parn Dao” ប៉ុន្តែ​មុន​នឹង​រឿង​ភាគ​នេះចាក់​បញ្ចាំង​ឲ្យអ្នកគាំទ្របាន​ទស្សនា ពេញភ្នែក តួឯកប្រុសស្រីរូបនេះបាន​ឆ្លៀត​ឱកាស​បញ្ចេញ​រូបភាព​ស្វីតៗ​បង្កប់​ភាព​ផ្អែមល្ហែម​ បង្ហោះ​លើ​ប្រព័ន្ធផ្សព្វផ្សាយ​សង្គម​បង្អួត​អ្នកគាំទ្រលើគណនី IG រៀងៗខ្លួន។

ដោយក្នុងនោះរូបភាពនិងឃ្លិបខាងលើរបស់ Aum Patchrapa និង Kem Hussawee ញ៉ាំអាហារពេលល្ងាចដ៏ពិសេសជាមួយគ្នា​ បូកនឹងបរិយាកាសថ្ងៃលិចនៅសមុទ្រ​ពេលល្ងាចថែមទៀត។ នោះរិតតែធ្វើឲ្យទស្សនិកជនដែលកកំពុងទន្ទឹងរង់ចាំសាច់រឿងពេញ រវាងគូនេះហាក់នៅមិនស្ងប់ឡើយ។ ស្របពេលដែលមហាជនមួយចំនួនបានបញ្ចេញអារម្មណ៍ពិតថា ចង់ឲ្យប៉ុស្តិ៍​ទូរទស្សន៍​លេខ ៧ ចាក់ផ្សាយ​ឆាប់​ផង​ដែរ។

ជាមួយគ្នានោះដែរ អ្នកគាំទ្របានចូលទៅស៊ែរនិងបញ្ចេញមតិទៅកាន់អ្នកទាំងពីរថា រៀមច្បងនិងរៀមប្អូនមើលមិនដឹងអ្នកណាបងទេ ដូចជាសមនឹងគ្នាដល់ហើយ! ប៉ុន្តែទោះសមុទ្រស្អាតយ៉ាងណា នៅតែចាញ់គូស្នេហ៍ដ៏គួរឲ្យស្រលាញ់នេះវិញទេ ទាំងសក្តិសម និងផ្អែមល្ហែមខ្លាំង៕

ប្រែសម្រួល៖ សាង ស្រីល័ក្ខ

ចុចអាន៖ឈុតឡើងយន្តហោះរបស់ Bella ទាក់ទាញភ្នែកមហាជនដោយសារសម្រស់ធម្មជាតិ

ចុចអាន៖Prang តួឯកស្រីរឿង “ស្នេហាមេឃដី” កំពុងអង្រួនបេះដូងប្រុសៗទូទាំងប្រទេស