អ្នកលេងអ៊ីនធឺរណិតទាមទារឱ្យក្រុមតារាស្រីស្អាត ចេញមុខសុំទោស​ Bella

ក្រោយផ្ទុះរឿងចម្រូងចម្រាសរវាង​ Bella Ranee ជាមួយក្រុមតារាស្រីស្អាត ពេលនេះ Hashtag ទាមទារឱ្យចេញមុខសុំទោស Bella ឬ #ApologizeTobellacampen កំពុងរីករាលដាលនៅលើបណ្ដាញ Twitter ថៃ យ៉ាងផុសផុល។

កាលពីប៉ុន្មានថ្ងៃមុននេះ វីដេអូនៅលើឆានែល YouTube របស់តារាស្រី Mai Davika ដែលមានភ្ញៀវ ៣រូបគឺ Mint Chalida, Margie Rasri និង Mew Nittha បានធ្វើអ្នកគាំទ្រសម្ដែងការមិនពេញចិត្ត និងរិះគន់ថា ជាវីដេអូដែលវាយប្រហារលើតារាស្រីដទៃ ហើយក្នុងនោះហ្វេនៗយល់ថា Bella ត្រូវបានតារាស្រីទាំង ៤រូប និយាយដៀមដាម។

ក្រោយទទួលបាននូវពាក្យរិះគន់ Mai Davika ដែលជាម្ចាស់ឆានែល បានចេញមុខសុំទោស និងប្រកាសបិទវីដេអីនោះចោល។ ចំណែក Margie បានបង្ហោះ ​Story នៅក្នុង IG ថា អ្វីដែលខ្លួនបាននិយាយនោះ មិនបានផ្លែផ្កាទៅលើ Bella នោះទេ ព្រោះនាងគ្មានបញ្ហាជាមួយ Bella ឡើយ មិនថាអតីតកាល និងបច្ចុប្បន្ន។

ទោះបីជាមានតារាស្រីពីររូបចេញមុខបញ្ជាក់ និងសុំទោសយ៉ាងក្ដី អ្នកនិយមលេងអ៊ីនធឺណិត នៅតែទាមទារឱ្យតារាស្រីទាំង ៤រូប ដែលមានវត្តមានក្នុងវីដេអូ ចេញមុខសុំទោសទាំងអស់គ្នា ចំពោះការវាយប្រហារ ឌឺដង និងប្រើពាក្យសម្ដីមិនសមរម្យលើ Bella Ranee ៕

ប្រែសម្រួល៖ សន្យា

ចុចអាន៖ មហាជនគាំទ្រ Margie ថា នាងមិនបានដៀមដាមទៅ Bella ឡើយ

ចុចអាន៖ Baifern ប្រែក្លាយជានារីសក់ខ្លី អ្នកគាំទ្រចំណាំសឹងមិនបាន