ជីវិតកម្សាន្ដ

ខាត់ សុឃីម សុខៗ ស្រាប់តែមានគេ Call ឲ្យឈប់ពីសិល្បៈ

បានផុស

២ ខែ មុន

នៅ

ថ្ងៃចន្ទ ៦ មីនា ២០២៣

ដោយ

តារាពហុជំនាញអ្នកនាង ខាត់ សុឃីម បានទម្លាយនូវរឿងរ៉ាវដ៏ហួសចិត្តខ្លាំង ខណៈសុខៗ ស្រាប់តែមានបុគ្គលម្នាក់ខល(ហៅទូរស័ព្ទ)ទៅខ្លួន ដោយប្រាប់ឲ្យនាងឈប់ពីវិស័យសិល្បៈយ៉ាងទទឹងទិ ស និងគ្មានហេតុផល។ ទង្វើនេះមិនត្រឹមតែធ្វើឲ្យនាងហួសចិត្តទេ ថែមទាំងគួរឲ្យអស់សំណើចទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើទោះបីមានការទម្លាយនូវរឿងហេតុដ៏ភ្ញាក់ផ្អើលខាងលើយ៉ាងនេះក្ដី ប៉ុន្តែសម្រាប់សាមីខ្លួនអ្នកនាង ខាត់ សុឃីម មិនបានបញ្ចេញ ឬប្រាប់អត្តសញ្ញាណរបស់បុគ្គលម្នាក់នោះទេ។ អ្នកនាង ខាត់ សុឃីម និយាយថា «ផុសរឿងហួស ៨០ មួយ ជនអនាមិកម្នាក់ បាន call មកខ្ញុំ ឲ្យខ្ញុំសម្រាកការងារសិល្បៈ, ខ្ញុំសួរមូលហេតុ គេថា ខ្ញុំលែងមានអ្នកគាំទ្រហើយ ខ្ញុំឮហើយ ក៏ឆ្លើយយ៉ាងខ្លីថា ចាំគេលែងជួល ចាំខ្ញុំ ឈប់ OK»។

តារាស្រីអ្នកនាង ខាត់ សុឃីម បន្ថែមទៀតថា បទចម្រៀង នៅមានគេស្ដាប់តាមរោងការ មានគេ ជួលសឹងតែរាល់ថ្ងៃ តាម TV នៅមានគេមើល តាមកម្មវិធីធំៗ នៅមានគេហៅ លក់ Mochyនៅដាច់ លក់ដីនៅដាច់ page មានគេ like ហ៊ឺ អាហ្នឹង គេហៅ អីវិញ(យកពេលច្រណែនទៅ Update ជីវិត ឲ្យល្អទៅ ខ្ញុំសូមអគុណ)។

ជាការកត់សម្គាល់ជុំវិញបញ្ហានេះបានកើតឡើង បន្ទាប់ពីតារាពហុជំនាញ ខាត់ ឃីម កាលពីប៉ុន្មានថ្ងៃមុននេះ បានធ្វើការបង្ហោះអារម្មណ៍ផ្ទាល់ខ្លួន ដោយសម្ដែងការមួយពាក់ព័ន្ធនឹងការមិនទទួលបានសិទ្ធិរៀបចំកម្មវិធី Miss Univers នៅកម្ពុជា។ ខ្លឹមសារនោះនាងលើកឡើងថា «Anne ទិញ miss universe មកអភិវឌ្ឍន៍ Anne ទិញ miss universe មកបំផ្លាញឲ្យក្រឡាប់ចាក់»៕

អត្ថបទ ៖ ចាន់រ៉ា