Bella បង្ហោះសំណេរមួយ ប៉ះបេះដូងអ្នកចាត់ការ ២ រូប ឈានចូលមកបញ្ចេញមតិភ្លាមៗ

សំណេរមួយទៀតដែល Bella Ranee បង្ហោះចុងក្រោយនៅលើ Instagram ផ្ទាល់ខ្លួន ក្នុង​ថ្ងៃ​ទិវានារីអន្តរជាតិ​បែរទទួលការចាប់អារម្មណ៍យ៉ាងខ្លាំងពីសំណាក់អ្នកគាំទ្រ ជាពិសេសនោះគឺអ្នកចាត់ការពីររូបកំពុងល្បីឈ្មោះក្នុងប្រទេសថៃ។

នៅក្នុងសំណេរអបរអរបុណ្យសិទ្ធនារីតារាស្រី Bella Ranee សរសេរខេបសិន​ជាភាសាអគ្លេសថា “I always believe in my self empowerment, and it’s what drives me forward. #internationalwomensday ដែលមានន័យថា ខ្ញុំតែងតែជឿជាក់លើ​ការពង្រឹង​ខ្លួនឯង​របស់ខ្ញុំ ហើយវាជាអ្វី​ដែល​ជំរុញ​ខ្ញុំ​ឆ្ពោះ​ទៅមុខ។ #ទិវា​សិទ្ធនារី​អន្តរជាតិ”។

យ៉ាងណាមិញសំណេរដ៏វែងអន្លាយមួយនេះប៉ះ​ចំ​បេះដូង​រហូត​អ្នក​គាំទ្រ​ពេញ​ចិត្ត ខណៈដែលអ្នកចាត់ការពីររូបគឺ Nok Jariya និង Mae Nu Suangsuda Chollampe ក៏បានចូលមកបញ្ចេញមតិដើម្បីលើកទឹកចិត្ត Bella ផងដែរ។​ ក្នុងនោះ អ្នកចាត់ការ Nok Jariya បញ្ចេញ​មតិ​ថា​ស្រលាញ់​កូនស្រីណាស់! ​​ខណៈMae Nu បញ្ចេញមតិថា ខ្លួនមានមោទនភាពចំពោះកូន ដែលបានឆ្លងកាត់អ្វីៗគ្រប់យ៉ាងដោយជំនឿលើខ្លួនឯង Bellacampen។

ទោះយ៉ាងណា នេះមិនមែនជាលើកទីមួយដែល Bella បង្ហោះខេបសិនចាក់ដោតដួងចិត្តមនុស្សគ្រប់គ្នានោះទេ ដោយកាលពីលើកមុននាងក៏ធ្លាប់បញ្ចេញមតិមួយ ក្រោយពិធីករសួរថាអ្វីជាសុភមង្គលពិត ស្របពេលដែលនាងឆ្លើយថាគឺការជួយគ្នានិងចែករំលែក៕

ប្រែសម្រួល៖ សាង ស្រីល័ក្ខ

ចុចអាន៖២៤ ឆ្នាំមុន Taew សរសេរកំណត់ហេតុទុកថា ធំ ឡើងនាងនឹងធ្វើជាតារាសម្ដែង