ជីវិតកម្សាន្ដ

Mew ឆ្លើយច្បាស់ៗថា មិនមានបញ្ហានឹងនរណាម្នាក់ រហូតមិនអាចរួមការងារជាមួយគ្នាទេ

បានផុស

៣ ខែ មុន

នៅ

ថ្ងៃសុក្រ ១០ មីនា ២០២៣

ដោយ

កាលពីពេលថ្មីនេះៗតារាសម្ដែង Mew Nittha បានផ្ដល់បទសម្ភាសន៍ដល់អ្នកសារព័ត៌មានជុំវិញរឿងដែលកើតឡើងកន្លងមកថា នាងពិតជាមានការសោកស្ដាយ និងព្រមទទួលយកកំហុសដែលខ្លួនធ្វើ រហូតដល់ប៉ះពាល់ដល់អ្នកដ៏ទៃនិងត្រូវអ្នកលេងអ៊ីនធឺណិតភ្ជាប់ឈ្មោះក្លាយជារឿងចម្រូងចម្រាសមិនងាយចប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណា ក្នុងនោះអ្នកសារព័ត៌មានបានសួរចំៗទៅដល់តារាសម្ដែង Mew Nittha ថា ប្រសិនបើអាចរួមការងារម្ដងទៀតចំពោះបុគ្គលដែលត្រូវគេភ្ជាប់ឈ្មោះ និងកំពុងមានបញ្ហាលើបណ្ដាញសង្គម តើនាងនឹងធ្វើយ៉ាងម៉េច? តួឯកស្រីក្នុងរឿង “My Husband In Law” បានឆ្លើយថា ខ្លួនផ្ទាល់មិនមានបញ្ហាជាមួយនរណាម្នាក់ទេ អាចធ្វើការជាធម្មតាជាមួយមនុស្សគ្រប់គ្នា។

ទន្ទឹមនោះ ចំពោះរឿងរ៉ាវដែលកើតឡើង Mew នៅតែនិយាយដដែលៗថា សោកស្តាយ ហើយក៏មិនបានរំពឹងថាវាទៅឆ្ងាយនោះទេ នាងពិតជាចង់សុំទោស ដោយបញ្ជាក់ថាមិនមានចេតនាបង្អាប់នរណាម្នាក់នោះទេ។ សម្រាប់មតិ Mew អនុញ្ញាតឲ្យវាកន្លងផុតទៅ។ បើជាការរិះគន់យកវាមកអភិវឌ្ឍវិញ។ ប៉ុន្តែផ្នែកអវិជ្ជមានត្រូវបានដោះលែង ព្រោះពេលឃើញលើកដំបូងនាងរាងតានតឹងខ្លះដែរ។

ក្នុងនោះតារាសម្ដែងរូបនេះបានឆ្លើយទៀតថា ពេលមានបញ្ហាពួកយើងមានគ្រួសារ និងអ្នកគាំទ្រឈរនៅក្បែរចាំលើកទឹកចិត្តជានិច្ច! សូមអរគុណចំពោះអ្វីដែលបានកើតឡើង វាជាមេរៀនបង្រៀនឲ្យចេះប្រុងប្រយ័ត្ន ព្រោះអាចបង្កគ្រោះថ្នាក់ដល់អ្នកដទៃបានគ្រប់ពេលវេលា៕