ជីវិតកម្សាន្ដ

ក្រៅពីសិល្បៈ Mai Davika រកចំណូលពី YouTube ដល់ទៅខ្ទង់លានដុល្លារក្នុងមួយខែៗ

បានផុស

៣ ខែ មុន

នៅ

ថ្ងៃចន្ទ ២០ មីនា ២០២៣

ដោយ

ក្រៅពីការងារដ៏រវល់ក្នុងរង្វង់អាជីពសិល្បៈ តារាសម្ដែង Mai Davika ក៏ជាម្ចាស់ឆានែល YouTube មួយរូបផងដែរ។ ថ្វីត្បិតតែ Mai ទើបតែបើកដំណើរការកាលពីចុងឆ្នាំ ២០១៩ ប៉ុន្តែឆានែលមួយនេះត្រូវបានចាត់ទុកថាមានអ្នកចូលមើលសរុប ២៣,៥១៤,៨៦៣ ដង ស្របពេលដែលគេទម្លាយពីប្រាក់ចំណូលដែលនាងទទួលបានរាប់លានដុល្លារក្នុងមួយខែៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមគេហទំព័រ NoxInfluencer ដែលជាប្រព័ន្ធសេវាកម្មព័ត៌មាន និងវិភាគស៊ីជម្រៅរបស់ Influencer បានប្រមូលផ្តុំមូលដ្ឋាននិងចាត់ចំណាត់ថ្នាក់តារាល្បីៗក្នុងប្រព័ន្ធផ្សព្វផ្សាយអនឡាញមិនថា Youtube, Instagram, TikTok និង Twitch នោះគេបានរកឃើញថា នៅពេលឆែកមើលតំណភ្ជាប់ Channel របស់ Mai Davika ត្រូវបានរកឃើញថាឆានែលរបស់នាងមានអ្នកទស្សនាដល់ទៅ ៤៧៧,០០០ នាក់ និងមានប្រាក់ចំណូលប្រចាំខែសរុប១៥៥,៨២៣ បាត ខណៈពេលដែលប្រាក់ចំណូលប៉ាន់ស្មានក្នុងមួយវីដេអូគឺនាងទទួលបាន ១៤៥៥ បាត។

លើសពីនេះ ប្រព័ន្ធក៏បានគណនាចំនួនអ្នកទស្សនាប្រចាំថ្ងៃ បានរកឃើញថា មានចំនួន ៩០,៦៨២ នាក់ គឺ ១.៨ បាត ប្រព័ន្ធបានគណនាចំណូលប្រចាំថ្ងៃប៉ាន់ស្មានចំនួន ២១,៥០៦.១៨ បាត ខណៈចំណូលប្រចាំខែប៉ាន់ស្មានគឺ ៦៤៥,១៨៥.៥ បាត។ យ៉ាងណាមិញ តួលេខខាងលើគឺជាការគណនាដើម្បីប៉ាន់ប្រមាណចំណូលរបស់ប៉ុស្តិ៍ថ្មី Davika Hoorne ប៉ុណ្ណោះ។

តារាសម្ដែង Mai Davika និងម៉ូដែលកូនកាត់ថៃ-បែលហ្ស៊ិក ចូលប្រឡូកក្នុងវិស័យសិល្បៈតាំងពីអាយុ ១៣ឆ្នាំ ដោយការថតស្ប៉តពាណិជ្ជកម្ម។ បន្ទាប់មកបានឈានជើងចូលវិស័យ ដើរម៉ូដ រហូតដល់អាយុ ១៧ ឆ្នាំ បានចុះកុងត្រាធ្វើជាតួសម្តែងនៅស្ថានីយ៍ទូរទស្សន៍ប៉ុស្តិ៍លេខ ៧ ប្រទេសថៃ ដោយបង្ហាញខ្លួនជាតួឯកស្រីដំបូងក្នុងរឿង Ngao Kammathep ជាមួយ Weir Sukonwat ហើយនៅចុងឆ្នាំ ២០១៥ នាងបានបញ្ចប់កុងត្រាជាមួយផលិតកម្ម ដោយប្រកាសធ្វើជាតារាឯករាជ្យពេញសិទ្ធិរហូតមកដល់ពេលនេះ។

ជាមួយគ្នានេះដែរ ភាពយន្តដែលធ្វើឲ្យកេរ្តិ៍ឈ្មោះ Mai Davika កាន់តែមានគេស្គាល់ច្រើនគឺរឿង Pee Mak ក្នុងឆ្នាំ ២០១៣ ដែលរកចំណូលបានច្រើនជាងគេក្នុងប្រទេសថៃ។ ក្រៅពីការងារក្នុងវិស័យសិល្បៈ Mai Davika ក៏ធ្វើសកម្មភាពសង្គមដោយអង្គការ UNICEF ប្រចាំប្រទេស ដោយមានងារជា Friends of UNICEF ជាអ្នកការពារកុមារនិងអំពាវនាវឲ្យសង្គមឲ្យងាកមកដោះស្រាយបញ្ហាវិសមភាពថែមទៀតផង៕