ក្នុង Box Office មានរឿងតែ ៦ ប៉ុណ្ណោះ ធ្លាប់រកចំណូលប្រមាណ ២ ពាន់លានដុល្លារ

ជារៀងរាល់ឆ្នាំខ្សែភាពយន្តខ្នាតធំគុណភាពល្អមានជាច្រើនសម្រាប់អ្នកទស្សនា ប៉ុន្តែរឿងដែលអាចរកចំណូលបានខ្ទង់ ២​ ពាន់លានដុល្លារមានមិនច្រើនជាង ៦ នោះទេ ។ ខាងក្រោមនេះជារឿងដែលអាចរកចំណូលបានមហាសាលជាងគេ ៖

១.  Avatar ឆ្នាំ ២០០៩

រឿង Avatar រកប្រាក់ចំណូលបានជាង ២ ពាន់លានដុល្លារក្នុងរយៈពេល ៤៧ ថ្ងៃ និងសរុបមកទល់ពេលនេះគឺ ២,៩២៣,៧០៦,០២៦ ដុល្លារ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. Avengers: Endgame ឆ្នាំ ២០១៩ 

សម្រាប់សប្ដាហ៍ដំបូងរឿងនេះរកបានដល់ទៅ ១,២ ពាន់លានដុល្លារ និងហួស ២ ពាន់លានដុល្លារក្នុងរយៈពេល ១១ ថ្ងៃប៉ុណ្ណោះ ហើយទិន្នន័យសរុបគឺ ២,៧៩៩,៤៣៩,១០០ ដុល្លារ ។

៣. Avatar: The Way of Water ឆ្នាំ ២០២២ 

រឿងទើបតែផ្ទុះកាលពីឆ្នាំមុនសោះអាចរកប្រាក់បានដល់ទៅ ២,៣០៣,១១៤,១៥៤ ដុល្លារ វាគឺជារឿងដំបូងដែលរកប្រាក់បានជាង ២ ពាន់លានដុល្លារក្នុងរយៈពេល ៣៩ ថ្ងៃបើគិតពីការរាតត្បាតសកលនៃកូវីដ-១៩ ។ 

៤. Titanic ឆ្នាំ ១៩៩៧ 

រឿងកំពូលល្បីតាំងពីឆ្នាំ ១៩៩៧ រកប្រាក់ចំណូលបាន ២,២៥៦,០០៣,៣៥២ ដុល្លារ និងបន្តរកបានរហូតតទៅមុខទៀត ។

៥. Star Wars: The Force Awakens ឆ្នាំ ២០១៥

សប្ដាហ៍ដំបូងនៃការចាក់បញ្ចាំង Star Wars អាចរកចំណូលបាន ២៤៧,៩ លានដុល្លារ បន្ទាប់មកប្រើពេល ៥៣ ថ្ងៃដើម្បីរកប្រាក់ខ្ទង់ ២ ពាន់លានដុល្លារ និងសរុប ២,០៧១,៣១០,២១៨ ដុល្លារ ។

៦. Avengers: Infinity War ឆ្នាំ ២០១៨ 

ចំណែករឿងចុងក្រោយគឺ Avengers: Infinity War ដែលរកប្រាក់បាន ៦៤០,៩ លានដុល្លារក្នុងសប្ដាហ៍ដំបូង និង ២,០៥២,៤១៥,០៣៩ ដុល្លារដោយចំណាយពេល ៤៨ ថ្ងៃ ។

តើរឿងមួយណាដែលអ្នកចូលចិត្តបំផុតក្នុងចំណោមរឿងទាំង ៦ ខាងលើ ?

ប្រែសម្រួល ៖ វារី

ចុចអាន ៖ ភាពយន្ត ៣ ឈ្នះពានរង្វាន់ Oscars ច្រើនជាងគេក្នុងប្រវត្តិសាស្ត្រ