ជីវិតកម្សាន្ដ

ក្រោយជួបលើកដំបូង អ្នកគាំទ្រមួយក្រុមទម្លាយថា Aum នៅក្រៅមិនដូចក្នុងកាំម៉េរានោះទេ

បានផុស

៣ years មុន

នៅ

ថ្ងៃពុធ ២៩ មីនា ២០២៣

ដោយ

កាលពីថ្ងៃម្សិលមិញនេះ តារាសម្ដែង Aum Patchrapa ត្រូវអ្នកគាំទ្រមួយរូបទម្លាយអារម្មណ៍ពិត ក្រោយបានជួបនាងចៃដន្យនៅទីសាធារណៈដោយថា រៀមច្បងរូបនេះនៅក្រៅគឺមានមុខមាត់មិនដូចនៅក្នុងកាំម៉េរានោះទេ ពោលនាងមានសម្រស់ស្អាតសឹងរកកន្លែងទាស់មិនឃើញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីជួប Aum លើកដំបូង ក្រុមអ្នកគាំទ្របានសរសេររៀបរាប់ពីសម្រស់របស់ Aum ថា “យប់មិញបានជួប Aum Patchrapa ជាលើកដំបូងនៅ Sukhumvit 39។ តើអ្នកយល់ពីពាក្យថាស្អាតរហូតដល់អារម្មណ៍អណ្តែតទេ? មនុស្សគ្រប់គ្នាកំពុងសម្លឹងមើលនាង នៅក្នុងហាងនាងស្លៀករ៉ូបពណ៌សស្តើង ស្បែកនាងស្អាតខ្លាំងណាស់ ស្បែកនាងមានពណ៌ផ្កាឈូក។ នាងមានមុខស្រួច ច្រមុះស្រួច ភ្នែកស្រួច មុខមិនដូចរូប ស្អាតជាងនៅខាងក្នុងកាំម៉េរាច្រើន។ ដំបូងខ្ញុំមិនចាំថាជា Aum ទេ ទាល់តែឃើញមិត្តនាងមកជាមួយប្រុស៣នាក់ ប្រហែលខ្ញុំស្រឡាំងកាំងនឹងសម្រស់នាងពេក”។

ជាមួយគ្នានោះដែរ ទស្សនិកជនដែលជាហ្វេនរបស់ Aum បានចូលទៅបញ្ចេញមតិលើរូបភាពអ្នកគាំទ្រមួយក្រុមនោះថាពិតជាសំណាងណាស់ដែលបានជួបនាងនៅខាងក្រៅ ព្រោះតាមឮនាងពិតជាមានសម្រស់ស្រស់ស្អាតពិតមែន ហើយក៏មានផ្ទៃមុខមិនដូចនឹងអាយុដែរ។ ម៉្យាងទៀតនាងជាតារាស្រីដែលមានទឹកចិត្តល្អ និងគួរឲ្យគោរពក្នុងនាមជារៀមច្បងក្នុងវិស័យសិល្បៈនេះផងដែរ។

ចំពោះ Aum Patchrapa ថ្វីត្បិតតែប្រឡូកក្នុងវិស័យសិល្បៈយូរហើយក៏ដោយ ប៉ុន្តែបើនិយាយពីសម្រស់ នាងតែងតែត្រូវបានមហាជនពោលសរសើរមិនដាច់ពីមាត់ បើទោះបីជាឈានចូលអាយុជ្រេហើយក្ដី។ ជាពិសេសគ្រប់ពេលដែលនាងបង្ហោះរូបលើបណ្ដាញសង្គមផ្ទាល់ខ្លួន មិនថាជារូបភាពសិចស៊ីឬរម្យទមនោះទេ Aum តែងទទួលការសរសើរព្រាតពីសំណាកមហាជនប្រុស-ស្រី៕