ភាពយន្តភាគ ៣ រឿងរបស់ Bella ត្រូវប្រទេសចិនទិញសិទ្ធចាក់ផ្សាយព្រាត

អ្នកគាំទ្ររបស់តារាសម្ដែង Bella Ranee បានបង្ហោះនៅភាពយន្តភាគរបស់នាងកន្លងមក ដែលមិនត្រឹម​តែ​ល្បី​ក្នុង​ប្រទេសថៃ​នោះ​ទេ ប៉ុន្តែ​វា​ក៏​កក្រើក​នៅ​ឯទឹ​កដី​ចិន ​រហូត​ទទួលការ​សរសើរ​ពី​សមត្ថភាពរបស់​នាង​ថែមទៀតផង។

តាមរយៈ​គណនី Instagram របស់ហ្វេនក្លឹបដែលមានឈ្មោះថា bellaclub_pantip បានបន្តបង្ហោះភាពយន្តភាពចំនួន៣រឿងរបស់ Bella ដែល​ត្រូវ​ប្រទេស​ចិន​ទិញសិទ្ធ​យក​ទៅ​ចាក់​បញ្ចាំង ក្នុងនោះរួមមាន​រឿង “បុព្វេសន្និវាស”, “រយល្បិច​អន្ទាក់​​ស្នេហ៍” និងរឿង “ឧត្ដម​ភរិយា” រហូតធ្វើឲ្យទស្សនិកជននៅទីនោះពោលសរសើរពីសម្រស់នាង និងសមត្ថភាពនៃការសម្ដែងថាពិតជាខ្លាំង ​ដែលអាចឆក់​យក​ចិត្ត​អ្នក​គាំទ្រ​គ្រប់​វិស័យផងដែរ។

មិនត្រឹមប៉ុណ្ណឹងទេ Bella Ranee ក៏ធ្លាប់ត្រូវគេសរសើរនាងថា គ្រប់ភាពយន្តដែលនាងសម្ដែងកន្លងមកគ្មានរឿងមួយណាដែលមិនទទួលបានភាពល្បីល្បាញរន្ទឺដល់ក្រៅប្រទេសនោះទេ។ នាងក៏ត្រូវបានគេដឹងថា ចូល​ប្រឡូកក្នុងវិស័យសិល្បៈអស់រយៈពេល១២ ឆ្នាំ​ និង​ថែមទាំង​ទទួល​បាន​រហស្សនាម​ថាជា “វីរនារី ៣០០លាន” ដែល​គេ​ស្គាល់​ថា​ ជា​តួនាង​កែវ ក្នុង​រឿង​ភាគ​សុភាព​បុរស Juthathep កាលកន្លងមក៕

ប្រែសម្រួល៖ សាង ស្រីល័ក្ខ

ចុចអាន៖រៀមច្បង Anne ថា នាងចង់ស្អាតនិងសិចស៊ីដូច Prang Kannarun ណាស់

ចុចអាន៖ក្រោយធ្លាយចចាមអារ៉ាម អតីតមិត្តប្រុស Aum បញ្ជាក់ទំនាក់ទំនងស្នេហាជាមួយ Marie