ជីវិតកម្សាន្ដ

យឿន ពិសី ថ្ងៃមង្គលការទឹកមុខរីកដូចគ្រាប់ជី តែបែរជាមានអ្នក…!

បានផុស

៥ years មុន

នៅ

ថ្ងៃអាទិត្យ ១៧ មករា ២០២១

ដោយ

តារាចម្រៀងនិងជាម្ចាស់ពានរង្វាន់ Cambodia’s Got Talent រដូវកាលទី១ លោកយឿន ពិសី ពេលនេះបានចូលរោងការហើយ នៅថ្ងៃទី១៧ ខែ មករា ឆ្នាំ ២០២១ នេះ ខណៈមានទស្សនិកជនជា ច្រើនបានសម្ដែងការគាំទ្រនិងសាទរមង្គលការនេះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងកាលពីថ្ងៃទី១៦ ខែមករា ឆ្នាំ២០២១កាលពីម្សិលមិញពោលគឺមុនថ្ងៃចូលរោងការមួយថ្ងៃ លោកយឿន ពិសី ក៏បានធ្វើការឡាយវីដេអូស្ថិតក្នុងឈុតអាពាហ៍ពិពាហ៍ជាមួយនឹងការសម្ដែងកាយវិការសប្បាយរីករាយដែលធ្វើឲ្យអ្នកគាំទ្របង្ហាញការអបអរសាទរចំពោះការរកឃើញមិត្ត១០០ឆ្នាំ នេះផងដែរ។

ប៉ុន្តែយ៉ាងណាមិញនៅក្នុងការ Live នោះ ក៏បានធ្វើឲ្យ យឿន ពិសី ហាក់សម្តែងការមិនសប្បាយចិត្តផងដែរ ក្រោយមានការិះគន់ថាលោកមានប្រពន្ធហើយបែរជានៅធ្វើចរិតដូចកូនក្មេងទៀត។ ភ្លាមៗ លោក យឿន ពិសី ក៏បានឆ្លើយ តបដោយចិត្តត្រជាក់វិញថា គ្រាន់តែសប្បាយចិត្ត បើបងប្អូនរៀបការ ក៏បងប្អូនសប្បាយចិត្តដែរ មើលតែតែកូនក្រមុំខ្ញុំទៅដឹងហើយ។

គេនៅចាំបានថាលោក យឿន ពិសី កាលពីថ្មីៗនេះបានបង្ហាញអារម្មណ៍រំភើបនិងបង្ហោះសារនៅលើបណ្ដាញសង្គមហ្វេសប៊ុកផ្ទាល់ខ្លួន ដោយភ្ជាប់និងរូបភាពថាលង់ហើយខ្ញុំកូនក្រមុំខ្ញុំស្អាតម្ល៉េះ នេះហើយមិត្ត១០០ឆ្នាំយ៉ាងពិតប្រាកដរបស់ខ្ញុំ។ ខណៈដែលដៃគូជីវិតរបស់លោកក៏បង្ហោះសារខ្លីដែរថា លើសពីហ្វែនបានអត់ (ម្ចាស់បេះដូង)៕

អត្ថបទ៖ចាន់រ៉ា