តារាចម្រៀងកូរ៉េ Bana ចែករំលែកថា ខ្លួនធ្លាប់បដិសេធរៀបការជាមួយព្រះអង្គម្ចាស់ថៃ

តារាចម្រៀងកូរ៉េខាងត្បូង Bada សមាជិក​ក្រុម S.E.S. ​អះអាង​ថា​ នាង​បាន​បដិសេធ​ការ​ណាត់​ជួប​ និងបដិសេធសំណើរៀបការជាមួយជាមួយ​រាជវង្ស​ថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី៥ ខែមេសា ឆ្នាំ២០២៣ តារាស្រីល្បីល្បាញរបស់កូរ៉េ Bada បានបង្ហាញខ្លួនក្នុងកម្មវិធី Radio Star របស់កម្មវិធី MBC ហើយនាងបានចែករំលែកអំពីបទពិសោធន៍ អំឡុងពេលទៅ​ថតវីដេអូនៅ​កោះ Phi Phi ប្រទេស​ថៃ។

កាលណោះមានស្ត្រីម្នាក់​បាន​ចុះ​ពី​ទូក​មក​រកនាង និងផ្ដល់សំណើដ៏គួរឱ្យភ្ញាក់ផ្អើលមួយដល់នាង។ Bada និយាយថា “ពេល​នោះ នាង​បាន​បង្ហាញ​រូប​ក្មេង​ប្រុស​ឲ្យ​ខ្ញុំមើល។ ហើយនាងប្រាប់ថា ទ្រង់ជាព្រះអង្គម្ចាស់នៃប្រទេសថៃ។ នាង​បាន​ប្រាប់​ខ្ញុំ​ថា រាជវង្សអង្គនេះ​ចូល​ចិត្ត​ខ្ញុំ ហើយ​​សុំ​ខ្ញុំឱ្យ​ធ្វើ​ជា​មហេសី​ទី​ពីរ​របស់​ព្រះអង្គ ខណៈម្ចាស់ក្សត្រីទីមួយត្រូវជាជនជាតិថៃ” ។

តារាចម្រៀងជើងចាស់រូបនេះ បន្ថែមថា ស្ត្រីម្នាក់នោះបានសុំលេខទូរសព្ទឪពុកម្តាយរបស់នាង ដោយប្រាប់ថា ពួកគាត់មានលុយគ្រប់គ្រាន់សម្រាប់ចិញ្ចឹមគ្រួសារនាងរហូតដល់ ១០០ជំនាន់ឯណោះ ប៉ុន្តែភ្លាមៗនាងបានបដិសេធ ព្រោះនាងយល់ថាខ្លួនមិនមែនជាមហេសីដើម។

យ៉ាងណាមិញ កាលណោះកើតឡើងនៅឆ្នាំណា ហើយព្រះអង្គម្ចាស់អង្គនោះមានព្រះនាមអ្វី Bada ​ពុំបានបញ្ជាក់នោះទេ។

គួររំលឹកថា Bana បានបង្ហាញខ្លួនក្នុងពិភពកម្សាន្តកូរ៉េជាលើកដំបូងនៅក្នុងឆ្នាំ១៩៩៧ ដែលពេលនោះនាងចូលជាសមាជិកក្រុមចម្រៀងស្រីដ៏ល្បីល្បាញ S.E.S.។ ក្រុម​នេះ​បាន​ក្លាយ​ជា​ក្រុម​ជោគជ័យ​បំផុត​មួយ​របស់ K-Pop រហូត​មក​ដល់​ពេល​បច្ចុប្បន្ន​ ហើយ​ត្រូវ​បានគេចាត់ទុកជាក្រុមចម្រៀងរៀមច្បង​របស់​ឧស្សាហកម្ម​កូរ៉េ។ ក្រោយមក តារាស្រីវ័យ ៤៣ឆ្នាំរូបនេះ បានរៀបការ​នៅ​ឆ្នាំ ២០១៧ និង​សម្រាល​បាន​កូន​ដំបូង​ ​នៅ​ឆ្នាំ ២០២០៕

ប្រែសម្រួល៖ សន្យា

ប្រភព៖ Koreaboo

ចុចអាន៖ BLACKPINK នឹងបញ្ចេញ MV ពិសេសជាមួយវីដេអូហ្គេមផ្ទាល់ខ្លួន

ចុចអាន៖ Jimin ជាតារាកូរ៉េដំបូងគេ ដែលបង្កើតប្រវត្តិសាស្ត្រលើតារាង Billboard