ជីវិតកម្សាន្ដ

Jisoo ទម្លាយការពិត ក្រោយធ្លាយចចាមអារ៉ាមថា សមាជិក BLACKPINK មិនចុះសម្រុងគ្នា

បានផុស

៣ years មុន

នៅ

ថ្ងៃសៅរ៍ ៨ មេសា ២០២៣

ដោយ

នៅក្នុងកម្មវិធី ‘Not Prepared’ Jisoo សមាជិកក្រុម BLACKPINK ត្រូវគេសួរអំពីការចេញទោលរបស់នាងរហូតធ្លាយដល់ពាក្យចចាមអារ៉ាមថា សមាជិក BLACKPINK មិនចុះសម្រុងគ្នានៅបញ្ហាមួយចំនួនដែលពួកគេព្យាយាមលាក់បាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលគេសួរអំពីរការចេញទោលរបស់នាងសមាជិក BLACKPINK រូបនេះបានឆ្លើយថា “ខ្ញុំមិនមានគំនិតអ្វីអំពីវាទេ។ នោះជាកម្លាំងរបស់ខ្ញុំ បើទោះជាអ្នកផ្សេងធ្វើអ្វីក៏ដោយ។ ប៉ុន្តែខ្ញុំបានប្រាប់ខ្លួនឯងថា ខ្ញុំមិនអាចធ្វើដូច្នេះបានទេ។ នោះជារបស់គេ”។

ចំពោះការរស់នៅម្នាក់ឯង នាងបានចែករំលែកថា “ខ្ញុំគិតថាខ្ញុំរស់នៅម្នាក់ឯងបានល្អ ពេលខ្លះពេលខ្ញុំនៅម្នាក់ឯង ខ្ញុំមានអារម្មណ៍ថាទទេ រហូតត្រូវដើរលេងជាមួយមិត្តភ័ក្តិ តែខ្ញុំពិតជារំភើបនៅពេលដែលខ្ញុំនៅម្នាក់ឯង។ ហើយពេលដើរលេង ខ្ញុំក៏និយាយថា សូមទៅផ្ទះឥឡូវនេះ តែមិត្តភ័ក្តិដែលខ្ញុំ គឺមិនអើពើការបញ្ចេញមតិខ្ញុំទេ”។

យ៉ាងណាមិញ បន្ទាប់ពីមានពាក្យចចាមអារ៉ាមថាសមាជិក BLACKPINK មិនចុះសម្រុងនឹងគ្នា Jisoo បានបញ្ចេញមតិ “ខ្ញុំគិតថានៅពេលដែលយើងទាំងបួននាក់នៅជាមួយគ្នា គ្មានអ្វីដែលយើងមិនអាចធ្វើបានទេ បើមានពាក្យចចាមអារ៉ាមថាយើងមិនចុះសម្រុងគ្នា ពួកយើងគ្រាន់តែសើចប៉ុណ្ណោះ។ យើងនឹងនិយាយបែបកំប្លែង ‘ម៉េចមិនផ្សព្វផ្សាយការងារខ្ញុំ? ហេតុដូច្នេះហើយបានជាមានពាក្យចចាមអារ៉ាមថា យើងមិនបានចុះសម្រុងគ្នាទៅវិញ”៕