ភរិយារបស់ Justin Bieber រងការរិះគន់កូពីស្ទាយ ពី Selena Gomez

ទោះបីជា Hailey Bieber និង Selena Gomez អះអាងថាបានផ្សះផ្សាគ្នាក៏ដោយ ក៏មានសារធារណៈជនមួយចំនួននិងអ្នកគាំទ្ររបស់តារាចម្រៀងរូបនេះហាក់ដូចជានៅតែមិនទទួលយកការបញ្ចប់ជម្លោះមួយនេះដដែល។

កាលពីពេលថ្មីៗ នេះនៅលើគណនី instagram ផ្ទាល់ខ្លួនរបស់ Hailey បានបង្ហោះរូបភាពរបស់នាងនៅក្នុងឈុតសំលៀកបំពាក់អាវពណ៌ស និងខោខូវប៊យ។ នេះគឺជាឈុតដែលតារាម៉ូដែលបានពាក់ក្នុងមហោស្រពតន្ត្រី Coachellla 2023 កាលពីចុងសប្ដាហ៍មុន ហើយរូបថតរបស់ភរិយា Justin Bieber ទទួលបានការមិនសូវជាពេញចិត្តពីសារធារ ណៈជនមួយចំនួននិងអ្នកគាំទ្ររបស់ Selena Gomez ឡើយ នៅពេលដែលគេនិយាយថានាងកូពីស្ទាយតែងខ្លួនតាម Selena ។

ជាក់ស្តែងកាលពីថ្ងៃមុននេះ Selena ក៏បានបង្ហោះរូបភាពរបស់នាងជាមួយនឹងអាវពណ៌ស ហើយរូបថតមួយសន្លឹកនេះ ទទួលបានការចាប់អារម្មណ៍ខ្លាំងពីសារធារណៈជនមួយចំនួន និងអ្នកគាំទ្រ។ ដូច្នេះហើយការដែល Hailey ក៏បានបង្ហោះរូបថតក្នុងអាវពណ៌ស ភ្លាមៗនោះ ត្រូវបានគេចាត់ទុកថាកូពីស្ទាយ ។

សារធារណៈ ជនមួយចំនួននិងអ្នកគាំទ្ររបស់ Selena បានបញ្ចេញមតិជាច្រើនរិះគន់ចំពោះ Hailey ថា “តើ Hailey បានចម្លងស្ទាយ Selena ម្តងទៀត?” និងអ្នកខ្លះទៀតថា”២០ ម៉ោងបន្ទាប់ពី Selena បង្ហោះ រូបថត Hailey ក៏ត្រូវបង្ហោះរូបជាមួយអាវពណ៌សដូចគ្នា ” ដោយមានមតិខ្លះទៀតលើកឡើងរិះគន់ Hailey ខ្លាំងពេក មនុស្សជាច្រើនបានចេញមុខការពារភរិយារបស់ Justin Bieber ដោយអះអាងថា នាងមិនសមនឹងទទួលការរិះគន់ដែលគ្រាន់តែពាក់អាវពណ៌សប៉ុណ្ណោះ ។

យ៉ាងណាមិញ នៅចុងខែមីនា ទាំង Selena និង Hailey បាននិយាយអំពីទំនាក់ទំនងរបស់ពួកគេ អាស្រ័យហេតុនេះ តារាទាំងពីរដួងបានបញ្ជាក់ពីបំណងចង់បញ្ឈប់រឿងអាស្រូវទាំងអស់។ ថ្វីត្បិត តែអះអាងថាបានបញ្ចប់សង្គ្រាមក៏ដោយ ក៏ភរិយារបស់ Justin Bieber នៅតែរងការរិះគន់ជាបន្តបន្ទាប់ ៕

ប្រែសម្រួល៖នាងតូច

ចុចអាន៖Shawn និង Camila ត្រូវគេឃើញថើបគ្នានៅ Coachella ក្រោយបែកគ្នាមួយឆ្នាំ