ទស្សនិកជនចង់ឲ្យ James Ma មើលចិត្តគ្នាជាមួយ Rinrada ដើរតាមគន្លង Nadech-Yaya

ក្រៅពីជាគូស្នេហ៍ក្នុងរឿងភាគកំពុងល្បីល្បាញ James Ma និងតារាស្រី Rinrada Kaewbuasai តែង​តែ​បង្ហាញ​ឈុតឆាកស្នេហាផ្អែមល្ហែមជាមួយគ្នា​ទាំងក្នុង​ជីវិតពិត និងក្រៅ​ឆាក​បង្អួត​ទស្សនិកជន​ជានិច្ច។

យ៉ាងណាមិញ​ដោយសារ​តែអ្នកទាំងពីរលេចចេញរូបភាព​ស្និទ្ធស្នាល​ញឹកញាប់​ ទើប​ទស្សនិកជន​ចាប់ផ្ដើម​សង្ស័យ​ពី​ទំនាក់ទំនង​ថាពួកគេពិតជាស្រលាញ់គ្នា​ពិតឬយ៉ាងណា? លើសពីនេះ​នៅ​លើ Instagram របស់​តារា​សម្ដែង James Ma បានបង្ហោះរូបភាពមួយ​សន្លឹក​របស់ Rinrada អម​ដោយ​រូបភាព​រួមគ្នាជាមួយនឹង Nadech-Yaya ដោយមានចំណងជើងយ៉ាងខ្លីថា “Seouliday” ពីដំណើរកម្សាន្តទៅកាន់ប្រទេសកូរ៉េ​ រហូតដល់អ្នកគាំទ្រចាប់គូឲ្យលោកនិង Rinrada ជាគូស្នេហ៍ថែមទៀត។

តាមរយៈរូបភាព​មួយ​សន្លឹក​នេះ មិត្តភ័ក្តិ​ក្នុង​វិស័យសិល្បៈ និងអ្នកគាំទ្របានចូលមក Comment ចង់ឲ្យតារាប្រុស James Ma ចែចង់ Rinrada ព្រោះ​អីអ្នកទាំងពីរទំនង​សមគ្នា​ខ្លាំងទាំងក្នុង​ភាពយន្ត​និង​ក្រៅ​ឆាក​សម្ដែង។ បន្ថែមពីនេះ​មហាជន​មួយចំនួន​ចង់ឲ្យខាងស្រី​មើលថែបេះដូងរបស់ James ដែល​ពេលនេះលោកពុំមានគូគាប់ទ្រនាប់ចិត្តណាមកជំពាក់ឡើយ។

ទោះយ៉ាងណានេះគ្រាន់តែជាការចាប់គូរបស់អ្នកគាំទ្រ ដែលចង់ឲ្យពួកគេស្រលាញ់គ្នាពិតៗដូចគូស្នេហ៍ Nadech-Yaya ប៉ុណ្ណោះ! ប្រសិនបើបេះដូងអ្នកទាំងពីរស្របគ្នា ពិតណាស់មហាជននឹងចូលទៅអបអរសាទរដលពួកគេមិនខានទេ៕

ប្រែសម្រួល៖ សាង ស្រីល័ក្ខ

ចុចអាន៖កាន់តែកៀកថ្ងៃសម្រាលកូន ភិរិយាសេដ្ឋី Note បញ្ចេញរូបថតបង្ហាញក្បាលពោះកាន់តែខ្ទាត