រៀមច្បង Ploy ប្រកាសពីទំនាក់ទំនងរបស់នាងជាមួយតារារ៉េប Tong ច្បាស់ការហើយ

នៅទីបំផុតតារាសម្ដែង Ploy Chermarn បាន​ប្រកាស​ពី​ទំនាក់ទំនង​របស់​នាង​ជាមួយ​អតីត​មិត្តប្រុស Prang គឺតារារ៉េប Tong Twopee បន្ទាប់ពីអ្នកទាំងពីរ​ធ្លាយ​ពាក្យចចាមអារ៉ាម​ថា​ កំពុង​បង្កាត់​ភ្លើង​ស្នេហ៍ជាមួយគ្នាមកជាយូរហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្បិតថាទាំង Tong twopee និង Ploy Chermarn បានប្រកែកថាទំនាក់ទំនងពួកគេមិនលើសពីបងប្អូនក្ដី ប៉ុន្តែរាល់​សកម្មភាព​និង​រូបភាព​ដែល​​បង្ហោះ​លើ​បណ្ដាញ​សង្គម​ផ្ទាល់ខ្លួន​ តែងតែ​ជា​រូប​ស្និទ្ធស្នាល​ដូច​គូស្នេហ៍ថ្មីថ្មោង។ ជាពិសេសអ្នកទាំងពីរតែងលេច​​រូបភាព​ដើរ​លេង​ជាមួយ​គ្នា​ រហូត​មាន​មនុស្ស​ជា​ច្រើន​ចំអន់លេងថា ពួកគេ​លើស​មិត្ត​រួម​ក្រុម​ទៅ​ទៀត។

ដោយឡែក​នាពេលថ្មីៗនេះ Ploy Chermarn បាន​បង្ហោះរូបថតគូស្នេហ៍មួយសន្លឹក​ ដើម្បីបញ្ជាក់ពី​ភាពច្បាស់​លាស់នៃ​ទំនាក់ទំនងរវាងនាងនិងតារារ៉េប Tong ដែលពេលនេះវា​កំពុងតែ​ចាប់ផ្តើម​យ៉ាងស្រស់ស្អាតជាមួយនឹង​រូបភាព​ដើរ​ទន្ទឹមគ្នា កាន់​ដៃគ្នា​យ៉ាង​ស្អិតល្មួត រួម​ជាមួយ​ចំណង​ជើង​ដ៏​ផ្អែម​ល្ហែម​ថា “I tell the stars about you”។

បន្ទាប់ពីរូបថតអ្នកទាំងពីរបង្ហោះមិនបានប៉ុន្មានផង មិត្ត​ជិត​ស្និទ្ធ​និងអ្នកគាំទ្រពួកគេបានចូលមកបញ្ចេញមតិអបអរសាទរដល់គូស្នេហ៍ថ្មីថ្មោង ព្រមទាំងនិយាយថានេះគឺជាការពិត១០០ភាគរយហើយ។ ស្អិតគ្នាបែបនេះ មិនបាច់បង្ហើបក៏ដឹងថាជាគូស្នេហ៍នឹងគ្នាដែរ។ សូមជូនពរឲ្យអ្នកទាំងពីរកាន់តែស្រលាញ់គ្នាខ្លាំងឡើយ៕

ប្រែសម្រួល៖ សាង ស្រីល័ក្ខ

ចុចអាន៖មហាជនចាប់អារម្មណ៍លើសាររបស់ Prang សំដៅទៅអតីតមិត្តប្រុស ក្រោយមានរូបគូស្នេហ៍ជាមួយ Ploy