ថ្វីត្បិតប្រកាសទំនាក់ស្នេហាជាមួយគ្នាប៉ុន្មានឆ្នាំមកហើយក្ដី ប៉ុន្តែតារាសម្ដែង James Jirayu និងមិត្តស្រីក្រៅរង្វង់សិល្បៈ Foam មិនធ្លាប់បង្ហោះរូបគូយ៉ាងបើកចំហនៅលើបណ្ដាញសង្គមផ្ទាល់ខ្លួនពួកគេឡើយ ទើបតែថ្មីៗនេះ James បានបង្អួតរូបគូជាលើកដំបូង ដែលបានធ្វើឱ្យអ្នកគាំទ្រស្រីៗ នាំគ្នាខូចចិត្តព្រាតតែម្ដង។

រូបថតគូស្នេហ៍ដែលអ្នកគាំទ្រកម្រឃើញ ​ត្រូវបាន James Jirayu បង្ហោះកាលពីម្សិលមិញ នៅលើបណ្ដាញ IG  ដែលរូបនេះ ជារូបដែលពួកគេបានធ្វើដំណើរទៅលេងសមុទ្រជាមួយគ្នាយ៉ាងផ្អែមល្ហែម និងរីករាយ។ មិនត្រឹមតែបង្អួតរូបគូនោះទេ តារាប្រុសវ័យ ២៩ឆ្នាំរូបនេះ ថែមទាំងសរសេរខេបសិនយ៉ាងរ៉ូមែនទិក និងបាន Tag នៅលើ IG របស់ Foam ទៀតផង។

ក្នុង​ចំណោម​មតិ​នៅលើការបង្ហោះរបស់ James Jirayu ​អ្នកគាំទ្រនាំគ្នាសរសើរថា វាជារូបគូដែលគួរឲ្យស្រឡាញ់ណាស់ ព្រមទាំងផ្អែមខ្លាំងផងដែរ ប៉ុន្តែជាមួយគ្នានោះ ហ្វេនស្រីៗរបស់តារាសម្ដែងរូបនេះ ភាគច្រើនបានសរសេរហាក់អន់ចិត្តថា ហេតុអ្វីនារីម្នាក់នោះទេមិនមែនជាខ្លួនគេ។ ទោះសរសេរបែបនេះក្ដី ពួកគេនៅតែចូលរូមអបអរសាទរ James Jirayu និង Foam ៕

ប្រែសម្រួល៖ សន្យា

ចុចអាន៖ ស្រលាញ់គ្នាជិត ១០ ឆ្នាំ Mak ទម្លាយថ្ងៃផ្ដើមស្នេហ៍ដំបូងជាមួយមិត្តស្រី ក្រោយកៀកថ្ងៃរៀបការ

ចុចអាន៖ Justin Bieber ទម្លាយអារម្មណ៍ថា ខ្លួនឈឺចិត្តខ្លាំង ក្រោយគេរិះគន់ភរិយាកប់ៗមាត់