ជីវិតកម្សាន្ដ

Justin Bieber ទម្លាយអារម្មណ៍ថា ខ្លួនឈឺចិត្តខ្លាំង ក្រោយគេរិះគន់ភរិយាកប់ៗមាត់

បានផុស

១ year មុន

នៅ

ថ្ងៃសៅរ៍ ២២ មេសា ២០២៣

ដោយ

តារាចម្រៀងប៉ុប Justin Bieber ទម្លាយអារម្មណ៍ថា ខ្លួនពិតជាខូចចិត្ត ហើយក៏ឈឺចិត្តខ្លាំងដែរ ចំពោះពាក្យរិះគន់ទៅលើភរិយាសំណព្វចិត្ត Hailey Bieber។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាំងពីរៀបការរួច កាលពីអំឡុងឆ្នាំ២០១៨មក តារាប៉ុបវ័យ ២៩ឆ្នាំរូបនេះហាក់មិនពេញចិត្តនោះទេ រាល់ពេលដែលឃើញភរិយារបស់ខ្លួនព្យាយាមតស៊ូជាមួយមតិរិះគន់ ដោយមិនតបតអ្វីទាំងអស់។ តួយ៉ាងដូចពេលនេះ Justin បានបង្ហាញអារម្មណ៍មិនពេញចិត្តទៅកាន់បណ្ដាញសង្គម ព្រមទាំងទម្លាយភាពឈឺចាប់របស់ខ្លួនជាសាធារណៈផងដែរ។ ប្រភពពី Us Weekly បានដកស្រង់សម្ដី Justin ថា “វាធ្វើឱ្យបេះដូងរបស់ខ្ញុំខ្ទេចខ្ទាំអស់ ដែលបានឃើញ Hailey ត្រូវគេវាយប្រហារ។ ខ្ញុំស្រឡាញ់ប្រពន្ធរបស់ខ្ញុំច្រើនជាងអ្វីទាំងអស់ ហើយខ្ញុំដឹងថាបេះដូងនាង ពិតជាស្រោមដោយមាស” ។

គួរបញ្ជាក់ថា ថ្មីៗនេះ Hailey ត្រូវបានប្រព័ន្ធផ្សព្វផ្សាយសង្គមវាយប្រហារខ្លាំងនៅលើបណ្ដាញ Instagram ក្រោយពេលតារាម៉ូដែលរូបនេះរងរឿងចម្រូងចម្រាស់ជាមួយ Selena Gomes ។ បន្ទាប់ពីបណ្ដាញសង្គមសម្ដែងការមិនពេញចិត្តលើនាង នាងបានសរសេរទុក្ខសោកយ៉ាងវែងអន្លាយមួយ ប៉ុន្តែនៅតែមិនបានធ្វើឱ្យអ្នកគាំទ្រស្ងប់ចិត្តចំពោះសកម្មភាពមួយចំនួនរបស់នាងទៅលើរៀមច្បង Selena Gomes ឡើយ។

ដោយឡែកចំពោះ Selena Gomez វិញ កាលពីដើមឆ្នាំនេះ នាងបានបង្ហាញការគាំទ្ររបស់នាងចំពោះ Hailey ចំពេលមានពាក្យចចាមអារ៉ាមអំពីជម្លោះជាមួយគ្នា។ មិនតែប៉ុណ្ណោះ តារាចម្រៀងវ័យ ៣០ឆ្នាំរូបនេះ បានស្នើអ្នកគាំទ្រឲ្យឈប់វាយប្រហារ Hailey ទៀតផង៕

ប្រែសម្រួល៖ សន្យា

ចុចអាន៖ ៣ ចំណុច ម្ដាយ Ronaldo មានឥទ្ធិពលខ្លាំងលើកូនប្រុស អ្នកគាំទ្រទំនងមិនធ្លាប់ដឹង