Kimberly លើកកន្លែងរៀបការ មិនមែននៅអាល្លឺម៉ង់ដូចគ្រោងទេ

ថ្លែងទៅកាន់បទសម្ភាសន៍ក្នុងសន្និសីទសារព័ត៌មានមួយនាពេលថ្មីៗនេះ តារាសម្ដែង​ Kimmy Kimberly បញ្ជាក់ច្បាស់ថា នាងលើកពិធីមង្គលរបស់ខ្លួនពីស្រុកកំណើតនៅអាល្លឺម៉ង់ទៅរៀបចំនៅលើទឹកដីអ៊ីតាលីវិញ ដោយសារអាកាសធាតុមិនអំណោយផល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះមូលហេតុដែលនាំឱ្យ Kimberly សម្រេចចិត្តប្ដូរទីតាំងរៀបការ នាងប្រាប់អ្នកសារព័ត៌មានថា ដោយសារក្នុងអំឡុងខែកញ្ញា ​នៅអាល្លឺម៉ង់មានអាកាសធាតុត្រជាក់ពេក ផ្ទុយពីនៅអ៊ីតាលី ដែលមានអាកាសធាតុត្រជាក់ល្មម ចំណែកទេសភាពក៏ស្រស់​ស្អាត និង​រ៉ូមែនទិកផងដែរ។

ពេលនេះដំណើរការរៀបចំពិធីមង្គលការនៅក្នុងប្រទេសអ៊ីតាលី បានរួចរាល់ប្រហែល ៩០ភាគរយរួចទៅហើយ ពោលគឺកូនកំលោះ និងកូនក្រមុំត្រៀមតែខ្លួនដើរចូលរោងជ័យប៉ុណ្ណោះ។ សម្រាប់ភ្ញៀវចូលរួមនៅអ៊ីតាលី មិន​សូវ​មានច្រើននោះទេ មានត្រឹម​មិត្តស្និទ្ធស្នាល​ប្រហែល​ ៣០​នាក់ ដែលនឹងហោះទៅជាមួយកូនកំលោះ-ក្រមុំ​។

​ដោយឡែកចំពោះពិធីនៅប្រទេសថៃវិញ នឹងធ្វើឡើងនៅចុង​ខែ​វិច្ឆិកា ហើយទីកន្លែងមិនទាន់ត្រូវបានសាមីខ្លួនបញ្ជាក់ច្បាស់នោះទេ ប៉ុន្តែទំនងជានៅ Khao Yai ៕

ប្រែសម្រួល៖ សន្យា

ចុចអាន៖ ឆ្នាំ២០២៣ Kimberley កើនទ្រព្យសុទ្ធមិនធម្មតា និងកំពុងត្រៀមទទួលមរតករាប់លានដុល្លារ

ចុចអាន៖ កូនស្រីជាទូតសុឆន្ទៈឱ្យប្រេន CELINE ទាំងមូល តែម្ដាយ Lisa ប្រើការបូបតម្លៃថោកៗ