ទស្សនិកជនដេញសួរ​ Mario ក្រោយឃើញមិត្តស្រីស្លៀកឈុតកូនក្រមុំ

ទំនាក់ទំនងស្នេហារវាងតារាសម្ដែងជួរមុខថៃ Mario Maurer និងមិត្តស្រីក្រៅរង្វង់សិល្បៈ Junji Janjira បានចាប់ផ្ដើមអស់រយៈពេលជាង ៨ឆ្នាំមកហើយ ខណៈដំណឹងរៀបការហាក់ស្ងប់ស្ងាត់ បើទោះពួកគេស្រឡាញ់គ្នាចាក់ទឹកមិនលិចក្ដី។

ប៉ុន្តែថ្មីៗនេះស្រាប់តែផ្ទុះការចាប់អារម្មណ៍យ៉ាងខ្លាំងពីទស្សនិកនៅក្នុងស្រុក ក្រោយពេលមិត្តស្រីរបស់ Mario បានស្លៀកឈុតកូនក្រមុំបង្ហោះនៅលើបណ្ដាញសង្គម ដែលនាំឱ្យគ្រប់គ្នាយល់ថា គូស្នេហ៍នេះទំនងនឹងចាប់ដៃគ្នាចូលរោងការឆាប់ៗ។

បន្ទាប់ពីឃើញ Junji ស្លៀកឈុតកូនក្រមុំយ៉ាងស្រស់ស្អាត មហាជននាំគ្នាសម្រុកដេញសួរ Mario យ៉ាងច្រើនថា តើលោកជិតរៀបការហើយឬ? ហើយពេលណារៀបការ? ភ្លាមៗអតីតតួ Pee Mak រូបនេះ តបថា អ្នកទាំងពីរមិនប្រញាប់នោះទេ ព្រោះទាំងសងខាងមិនទាន់ត្រៀមខ្លួនរួចរាល់នៅឡើយ។ ពេលនេះអ្នកទាំងពីរកំពុងពិភាក្សាគ្នា រៀបគម្រោងអនាគត ចំណែកពេលវេលា មិនទាន់ប្រាកដ។ ទោះយ៉ាងណា Mario បញ្ជាក់ច្បាស់ ខ្លួនចង់រៀបការ គ្រាន់តែមិនមែនពេលនេះប៉ុណ្ណោះ៕

ប្រែសម្រួល៖ សន្យា

ចុចអាន៖ មូលហេតុមួយធ្វើឱ្យ Mario លាក់មុខមិត្តស្រីរហូត ៨ឆ្នាំ

ចុចអាន៖ Pinky ឆ្លើយទាំងអឹមអៀនពេលគេសួរនាំពីទំនាក់ទំនងជាមួយ Tui