ជីវិតកម្សាន្ដ

Mai Davika បញ្ចេញឈុតលើទឹកដីកូរ៉េ បែររងការរិះគន់ពីមហាជនថា ស្គមដូចមនុស្សអត់អាហារ

បានផុស

២ ម៉ោង មុន

នៅ

ថ្ងៃព្រហស្បតិ៍ ១៨ ឧសភា ២០២៣

ដោយ

ត្បិតថាសម្រស់តារាសម្ដែងស្រី Mai Davika តែងតែលេចធ្លោលើឆាកអន្តរជាតិក្ដី ប៉ុន្តែនាងនៅតែរងការរិះគន់ឥតឈប់ឈរពីសំណាក់អ្នកលេងអ៊ីនធឺណិតទាក់ទងនឹងការសម្រក់ទម្ងន់ហួសហេតុដូចមនុស្សអត់អាហារទទួលទាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីពេលថ្មីៗនេះ តារាសម្ដែងនិងម៉ូដែល Mai ត្រូវមហាជនសម្រុករិះគន់ជាថ្មីម្ដងទៀត ខណៈពេលដែលនាងបង្ហោះរូបភាពចេញពីទឹកដីគីមឈីតាមរយៈសំលៀកបំពាក់ពីម៉ាកយីហោលំដាប់ពិភពលោក Gucci ដែលប្រារព្ធធ្វើឡើងនៅវិមាន Gyeongbokgung ទីក្រុងសេអ៊ូល ប្រទេសកូរ៉េខាងត្បូង។

យ៉ាងណាមិញបន្ទាប់ពីអ្នកនិយមលេងអ៊ីនធឺណិតបានឃើញរូបភាពរបស់តារាស្រីរូបនេះរួច គ្រប់គ្នាចូលមកបញ្ចេញយោបល់ពីរាងរបស់ Mai ខុសៗគ្នាថា នាងដូចមនុស្សកង្វះអាហារូបត្ថម្ភ ស្គមរហូតឃើញតែឆ្អឹងលែងមានសាច់ឈាមដូចមនុស្សហើយ។

ត្បិតថាមានអ្នកបញ្ចេញមតិមិនគិតអារម្មណ៍តួឯកស្រីក្នុងរឿង “Pee Mak” ពីសំណាក់អ្នកលេងអ៊ីនធឺណិតតែក្នុងនោះមានអ្នកខ្លះចូលមកបញ្ចេញមតិ ហើយតបតវិញដោយនិយាយថា ស្គមពិត ប៉ុន្តែរឹងមាំ! ហើយមានសុខភាពល្អជាងអ្នកខ្លះដែរ។ ជាមួយគ្នានេះដែរ ក៏មានអ្នកលើកទឹកចិត្តនាងថាកុំឲ្យគិតច្រើនពេកជាមួយការបញ្ចេញមតិបែបអវិជ្ជមាន។ ហើយថាបើនាងចូលចិត្តអីធ្វើហ្នឹងទៅ ប្រសើរជាងដើរជេរស្ដីប្រមាថគេដែរ៕