ជីវិតកម្សាន្ដ

៤ ឈុតដ៏លេចធ្លោពី ស៊ីន យូប៊ីន ក្នុងកម្មវិធីកម្រាលព្រំក្រហម Cannes ទាក់ទាញសារព័ត៌មានធំៗក្រៅស្រុក

បានផុស

៣ years មុន

នៅ

ថ្ងៃពុធ ២៤ ឧសភា ២០២៣

ដោយ

បន្ទាប់ពីបង្ហាញវត្តមានដើរលើកម្រាលព្រំក្រហមនៃមហោស្រពភាពយន្ត Cannes លើកទី៧៦ នៅប្រទេសបារាំង តារាសម្ដែង ស៊ីន យូប៊ីន ទទួលបានការសាទរយ៉ាងខ្លាំងពីប្រជាជនកម្ពុជា ស្របពេលឈុតដែលនាងស្លៀកកាន់ឈើច្រត់ទាក់ទាញសារព័ត៌មានធំៗក្រៅស្រុកជាច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនត្រឹមប៉ុណ្ណឹងទេ តារាសម្ដែងស្រីកម្ពុជារូបនេះត្រូវក៏ត្រូវគេដឹងថានាងចាយឈុតអស់ដល់ទៅ៤ក្នុងកម្មវិធីមហោស្រពភាពយន្ត Cannes ខណៈសំលៀកបំពាក់នីមួយៗរបស់នាងទទួលការសរសើរពីសំណាក់ក្រុមអ្នកសារព័ត៌មានធំៗចុះផ្សាយថា ស៊ីន យូប៊ីន មានការតស៊ូនិងអត់ធ្មត់ខ្លាំង ត្បិតថាកាន់ឈើច្រត់ក្ដី។

លើសពីនេះ សារព័ត៌មានធំៗដែលបានចុះផ្សាយពីតារាស្រីយូប៊ីន មានទាំងអាមេរិក,ចិន,ថៃ,វៀតណាម និង អង់គ្លេសបានសរសេរមានចំណងជើងធំៗថា “តារាកម្ពុជា ស៊ីន យូប៊ីន ស៊ូកាន់ឈើច្រត់ដើរលើកម្រាលព្រំក្រហមក្នុងមហោស្រពភាពយន្ត Cannes។ របួសជើងមិនបានធ្វើឲ្យតារាកម្ពុជារូបនេះ ជួបឧបសគ្គនោះទេ។” ក្នុងនោះក៏មានសារព័ត៌មានផ្សេងទៀតសរសេរថា “តារាសម្តែងដ៏ល្បី Shin Yubin បានបង្ហាញខ្លួននៅលើកម្រាលព្រំក្រហមនៃមហោស្រពភាពយន្តទីក្រុង Cannes នៅប្រទេសបារាំង ហើយនាងក៏បានក្លាយជាសិល្បករខ្មែរដំបូងគេដែលបង្ហាញខ្លួននៅលើកម្រាលព្រំក្រហមនៃទីក្រុង Cannes ក្នុងឆ្នាំ ២០២៣”។

មិនត្រឹមបង្ហាញខ្លួនធម្មតានោះទេ យូប៊ីន ក៏លើកយកឈុតពណ៌សរូបនាគរាជនិងទង់ជាតិខ្មែរទៅបង្ហាញដល់ពិភពលោក ដែលពេលនោះប្រជាជនកម្ពុជាមានមោទកភាពចំពោះនាងយ៉ាងខ្លាំង ក្រោយដឹងថាឈុតដ៏ពិសេសនេះត្រូវម្ចាស់ខ្លួនទម្លាយថា ត្រូវចំណាយប្រាក់អស់ជិត ២ម៉ឺនដុល្លារឯណោះ៕