Jennie រងពាក្យរិះគន់ថា មិនចេះតែងខ្លួនឱ្យសមជាតារាលំដាប់កំពូល

អ្នកនិយមលេងអ៊ីនធឺរណិត ក៏ដូចជាអ្នកគាំទ្រមួយចំនួន បានសម្ដែងការខកចិត្តចំពោះស្ទីលផាត់មុខ និងរូបរាងរបស់ Jennie សមាជិក Blackpink ពេលបង្ហាញខ្លួននៅឯមហោស្រពភាពយន្ត Cannes លើកទី៧៦ នៅប្រទេសបារាំង។

ស្ទីលតុបតែងខ្លួន និងការ Make up របស់ Jennie មិនទទួលបានការចាប់អារម្មណ៍ ឬការសរសើរពីស្រទាប់មហាជនឡើយ បន្ទាប់ពីតារារូបនេះបង្ហាញខ្លួននៅលើកម្រាលព្រំក្រហម ក្នុងមហោស្រពភាពយន្ត Cannes នាប៉ុន្មានថ្ងៃមុននេះ។ មហាជនជាច្រើនរិះគន់នាងចំៗថា ​មិនចេះរៀបចំខ្លួនឱ្យស៊ីនឹងរូបរាង ជាពិសេសកម្មវិធីលំដាប់ពិភពលោកទាំងមូល តែ Jennie ស្លៀកពាក់សាមញ្ញពេក មិន​ស័ក្តិសម​នឹង​តារាលំដាប់កំពូលសោះ។

យ៉ាងណាមិញ ចំពោះមហាជនមួយចំនួនទៀត បានចេញមុខគាំទ្រ Jennie ទៅវិញ ដោយពួកគេលើកឡើងថា នាងសាមញ្ញគួរឱ្យស្រឡាញ់ មិនចូលចិត្តសម្ញែង និងមិនហាយសូរជ្រុល៕

ប្រែសម្រួល៖ សន្យា

ចុចអាន៖ ហ្វាន់ ពីងពីង នៅតែលេចធ្លោខ្លាំងរឿងសំលៀកបំពាក់ និងសម្រស់ដ៏ទាក់ទាញ