Baifern ក្លាយជាតារាស្រីដែលគេយកគម្រូវះកាត់មុខតាមច្រើនបំផុត

តារាសម្ដែងជួរមុខថៃ Baifern Pimchanok ជាតារាស្រីដែលត្រូវមហាជនលើកសរសើរពីសម្រស់ធម្មជាតិច្រើនបំផុត ត្បិតថាប្រឡូកសិល្បៈជាច្រើនមកនេះ ​នាងមិនធ្លាប់ឆ្លងកាត់មុខកាំបិតម្ដងណាឡើយ។ ដោយសារសម្រស់ស្រស់ស្អាតពីធម្មជាតិបែបនេះ នាងត្រូវបាននារីៗដែលនិយមកែសម្ផស្សយកធ្វើជាគម្រូវះកាត់តាមរាប់សិបនាក់ទាំងក្នុង និងក្រៅប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការចុះផ្សាយពីសារព័ត៌មានថៃ Sanook បានឱ្យដឹងថា តារាសម្ដែង និងបង្ហាញម៉ូដ Baifern Pimchanok ជាតារាស្រីមួយរូបដែលពេញនិយម​ក្នុង​ទីផ្សារ​សម្រស់ បន្ទាប់ពីស្រីៗជាច្រើនយកផ្ទៃមុខរបស់នាងធ្វើជាគម្រូឲ្យគ្រូពេទ្យវះកាត់កែសម្ផស្សតាម។ ទោះបីជាមិនមានមនុស្សវះកាត់តាមច្រើនជាងគេ ប៉ុន្តែតារាស្រីវ័យ ៣០ឆ្នាំរូបនេះ ឈរនៅលំដាប់ច្រើនបំផុត ក្នុងចំណោមតារាស្រីមុខស្អាតផ្សេងទៀត។

តាមពិតកន្លងមក អ្នកគាំទ្រមួយចំនួនធ្លាប់សង្ស័យសម្រស់ Baifern ថា នាងលួចចាក់ Filler បបូរមាត់ និងធ្លាប់លើកខ្ទង់ច្រមុះជាដើម ប៉ុន្តែជាក់ស្ដែងតួឯកស្រីរឿង Friend Zone រូបនេះមិនធ្លាប់កែកុនអ្វីឡើយ ហើយបើពេលណាប្រិយមិត្តបានឃើញរូបរបស់នាងស្រស់ស្អាតប្លែក ហាក់ដូចជាកែកុន ​វាសុទ្ធសឹងតែមកពីការផាត់មុខនោះទេ៕

ប្រែសម្រួល៖ សន្យា

ចុចអាន៖ បង្ហោះរូបលើកនេះ Baifern ត្រូវអ្នកគាំទ្រសង្ស័យ លួចកែបបូរមាត់

ចុចអាន៖ Jennie រងពាក្យរិះគន់ថា មិនចេះតែងខ្លួនឱ្យសមជាតារាលំដាប់កំពូល