កូនស្រីច្បងតារាភាពយន្តជើងចាស់ យស់ បូវណ្ណៈ បញ្ចប់ការសិក្សាផែ្នក​វិស្វ័ករ​ស៊ីវិល​នៅអាមេរិក

ភ្នំពេញ៖ លោក យស់ បូ​វណ្ណៈ អតីត​តារាភាពយន្ត​ជើង​ចាស់ល្បីឈ្មោះមួយរូប បានសម្តែងក្តីរំភើប ក្រោយកូនស្រីច្បងទទួលបានលទ្ធផលល្អក្នុងការបញ្ចប់សកលវិទ្យាល័យ​វិទ្យាសា ស្ត្រ​ខាងផែ្នក​វិស្វ័ករ​ស៊ីវិលពី​រដ្ឋកាលីហ្វ័រញ៉ា​សហរដ្ឋអាមេរិ ។

រឿងដែលអ្នកគាំទ្រកត់សម្គាល់និងសរសើរតារាភាពយន្តជើងចាស់រូបនេះទៀតនោះ ព្រោះលោកជាឪពុក ដែលចិញ្ចឹមកូនបានល្អស្តាប់តាមដំបូន្មាន ខណ:ឆ្នាំនេះកូនស្រីច្បងលោកបានរៀនចប់សកលវិទ្យាល័យ​វិទ្យាសាស្ត្រ​ខាងផែ្នក​វិស្វ័ករ​ស៊ីវិល។ ចំណែកឯកូនស្រីម្នាក់ទៀតក៏ទើបបឈ្នះ​ពានរង្វាន់​ឆ្នើម​នៅ​ក្នុង​ការ​ច្នៃ​ម៉ូ​ដ​សម្លៀក​បំពាក់​បែប​ប្រពៃណី​ខ្មែរនា​កម្មវិធី​នៃ​សកល​វិទ្យាល័យ​មួយនៅ​លើក​ទឹកដី​សហរដ្ឋអាមេ រិក​ផងដែរ។

ក្នុងពេលដែលកូនស្រីច្បងបានបញ្ចប់ការសិក្សាផែ្នក​វិស្វ័ករ​ស៊ីវិលលោក យក់ បូវណ្ណៈ បានថ្លែងដោយក្តីរំភើបពីទឹកដី​សហរដ្ឋអាមេរិកថា គ្មានអ្វី​មានតម្លៃ​ធំជាង​ចំណេះវិជ្ជា​នេះទេ ​កូនស្រីច្បង​របស់ខ្ញុំ​បូវណ្ណៈ​ រាជ្ជនី​ បានបញ្ចប់​សកល​វិទ្យាល័យ​វិទ្យាសាស្ត្រ​ខាងផែ្នក​វិស្វ័ករ​ស៊ីវិល​ កាលីហ្វ័រញ៉ា​ សហរដ្ឋអាមេរិក​។ នេះជាសុភមង្គល​ពិតៗក្នុង​រង្វង់​ក្រុម​គ្រួសារ​ខ្ញុំ​បាទ​។

លោក យស់ បូ​វណ្ណៈ មាន​មោទកភាព​យ៉ាង​ខ្លាំងក្នុង​ពេល​ដែលកូនស្រីរបស់ខ្លួនជោគជ័យជាបន្តបន្ទាប់។ លោក យស់ បូវណ្ណ: ត្រូវបានគេស្គាល់ថា ជាតារាភាពយន្តខ្មែរជើងចាស់ដែលល្បីល្បាញក្នុងជំនាន់តារារួមជំនាន់អ្នកនាង ចាន់ តារាទី និងអ្នកនាង អម្ពរ ទេវី ជាដើម៕

អត្ថបទ ៖ ចាន់រ៉ា