ជីវិតកម្សាន្ដ

សល់២ថ្ងៃទៀតចេញបទថ្មី Jennie បញ្ចេញស្ទីលថ្មីកាត់ទៅអឺរ៉ុប

បានផុស

៧ ខែ មុន

នៅ

ថ្ងៃពុធ ៩ តុលា ២០២៤

ដោយ

នៅថ្ងៃទី ០៩ ខែតុលានេះ Jennie សមាជិកក្រុម BLACKPINK បានចែករំលែករូបថតបន្ថែមទៀតសម្រាប់បទចម្រៀងថ្មីក្រោមចំណងជើងថា “Mantra” ដែលនឹងមកដល់នៅលើគណនីប្រព័ន្ធផ្សព្វផ្សាយសង្គមផ្លូវការរបស់នាងនាថ្ងៃទី ១១ ខែតុលា វេលាម៉ោង ៩ ព្រឹក។

យ៉ាងណា បន្ទាប់ពីរូបភាពដែលបានចេញផ្សាយមិនបានប៉ុន្មានផង រូបភាពថ្មីទាំងនេះបានធ្វើឲ្យអ្នកគាំទ្រចាប់អារម្មណ៍បន្ថែមទៀត ជាមួយនឹងការផ្លាស់ប្តូរដ៏ក្លាហានរបស់ Jennie ដែលបង្កើតឲ្យមានការភ្ញាក់ផ្អើលយ៉ាងខ្លាំង។ ជាពិសេសតាមរយៈស្ទីលប្លែកនេះ អ្នកគាំទ្ររបស់នាងកម្រនឹងបានឃើញសមាជិកក្រុម BLACKPINK តុបតែងខ្លួនហិរៗបង្ហាញជាសាធារណៈ។

ក្នុងរូបថតដែលទើបបង្ហាញថ្មី Jennie លេងខ្លួនក្នុងម៉ូដសក់ពណ៌ទង់ដែងបែបកីឡា បញ្ចេញក្បាច់យ៉ាងក្លាហានក្រោមពន្លឺថ្ងៃ និងដើមត្នោត បញ្ចេញថាមពលខ្លាំង។ មន្តស្នេហ៍ដ៏មានទំនុកចិត្តរបស់នាង បញ្ចេញនូវរូបភាព ដែលធ្វើឲ្យអ្នកគាំទ្រមានការចាប់អារម្មណ៍ចំពោះសារនៅពីក្រោយបទចម្រៀងថ្មីរបស់នាង ‘Mantra’ ។

ការវិលត្រលប់មកវិញរបស់ Jennie ត្រូវបានផ្សព្វផ្សាយនៅលើផ្ទាំងប៉ាណូខាងក្រៅក្នុងប្រទេសផ្សេងៗ រួមទាំងកាណាដា អាល្លឺម៉ង់ ជប៉ុន សិង្ហបុរី និងបារាំង ដែលជំរុញឲ្យមានការភ្ញាក់ផ្អើលជាសកល។ អ្នកគាំទ្របាននិងកំពុងបង្ហាញការគាំទ្រដោយការចែករំលែករូបថតនិងសារនៅលើប្រព័ន្ធផ្សព្វផ្សាយសង្គម ដែលបង្ហាញពីការរំពឹងទុកយ៉ាងខ្លាំងសម្រាប់ការវិលត្រឡប់របស់តារាស្រីវ័យ២៨ឆ្នាំ៕