Jin បង្កើតប្រវត្តិសាស្ត្រថ្មីក្នុងជួរកងទ័ព ចំពេលគម្រប់ខួប ១០ឆ្នាំរបស់ក្រុម BTS

តារាចម្រៀង Kim Seokjin សមាជិកក្រុម BTS បានបង្កើតប្រវត្តិសាស្ត្រថ្មីមួយ អំឡុងពេលបំពេញកាតព្វកិច្ចក្នុងជួរកងទ័ព នៅចំថ្ងៃគម្រប់ខួប ១០ឆ្នាំរបស់ក្រុមដែលបង្ហាញខ្លួនក្នុងពិភពតន្ត្រីកូរ៉េខាងត្បូង។

នៅថ្ងៃទី១៣ ខែមិថុនា គឺជាថ្ងៃគម្រប់ខួបរបស់ BTS ដែលពួកគេមានវត្តមានក្នុងវិស័យ Kpop ហើយឆ្នាំ២០២៣នេះ កាន់តែពិសេសទៅទៀតដែលរូបថតរបស់ Jin ត្រូវបានកាសែតទាហាន Kookbangilbo (Defense Daily) បានចុះផ្សាយនៅលើទំព័រមុខ។

កាសែត Kookbangilbo មិនមែនកាសែតសម្រាប់លក់ជាសាធារណៈនោះទេ ដែលវាត្រូវបានចែកចាយតែក្នុងចំណោមទាហានកូរ៉េប៉ុណ្ណោះ ហើយតាំងពីយូរយាណាស់មកហើយ កាសែតនេះមិនធ្លាប់ចុះផ្សាយរូបភាពតារាកូរ៉េលើក្របរបស់ខ្លួនឡើយ បើទោះបីជាមានតារាល្បីៗជាច្រើនរូបធ្លាប់ចូលបម្រើកងទ័ពពីមុនក៏ដោយ។

ទើបតែឆ្នាំនេះប៉ុណ្ណោះ វត្តមានរបស់ Jin បានលេចឡើង​លើ​ក្របកាសែត ដែលក្នុងនោះ Kookbangilbo បានសរសេរ​អបអរតារា​រូប​នេះ​សម្រាប់​ខួប ១០​ឆ្នាំ​របស់​លោក ហើយវត្តមានលើកាសែតមួយនេះបានធ្វើឱ្យ Jin ក្លាយជាតារាដំបូងគេដែលបង្ហាញមុខលើគម្របកាសែតទាហាន៕

ប្រែសម្រួល៖ សន្យា

ចុចអាន៖ ប្រជាជនកូរ៉េប្រដូចស្គ្រីប Jennie នៅក្នុងរឿង The Idol ភាគ២ ទៅនឹងសម្ដីបាតសង្គម

ចុចអាន៖ BTS ត្រៀមនឹងចេញសៀវភៅផ្ទាល់ខ្លួន និយាយអំពីប្រវត្តិរបស់ពួកគេ