Influencer ចិនម្នាក់ស្លាប់ បន្ទាប់ពីតមអាហារបានពីរថ្ងៃ

Influencer ជនជាតិចិនម្នាក់ត្រូវគេរាយការណ៍ថាបានទទួលមរណភាព បន្ទាប់ពីចូលរួមការបោះជំរំតមអាហារមួយ បានត្រឹមតែពីរថ្ងៃប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីនៅថ្ងៃទី១៣ ខែមិថុនា សារព័ត៌មានចិន JIMU News បានរាយការណ៍ថា កញ្ញា Cui Hua អាយុ ២១ឆ្នាំបានស្លាប់ ក្រោយពេលចូលជំរំតមអាហារ។ គេបានដឹងថា Cui Hua ជាស្ត្រីលើសមានទម្ងន់ ដែលទម្ងន់របស់នាងគឺ ១៥៦គីឡូក្រាម ហើយគោលបំណងក្នុងការចូលរួមជំរំតមអាហារ ព្រោះនាងចង់ស្រកនៅសល់ត្រឹម ៥៦គីឡូក្រាម។

តាមរយៈវីដេអូដែល Influencer រូបនេះបានបង្ហោះមុនពេលនាងស្លាប់បង្ហាញថា នាងត្រូវហាត់ប្រាណយ៉ាងធ្ងន់ធ្ងរនៅឯជំរំនោះ ហើយក្នុងនោះនាងក៏ត្រូវទទួលរបបអាហារដ៏តឹងរ៉ឹងផងដែរ។

តាមសេចក្តីរាយការណ៍ Cui Hua បានទទួលមរណៈភាព បន្ទាប់ពីរៀបរាប់ថា រាងកាយរបស់នាងចាប់ផ្ដើមប្រែប្រួល ហើយនាងមានអារម្មណ៍ចម្លែកក្នុងថ្ងៃទីពីរ នៅក្នុងជំរំ។ មកទល់នឹងពេលនេះ មូលហេតុនៃការស្លាប់របស់នាងមិនត្រូវបានលាតត្រដាងឱ្យសាធារណជនដឹងនោះទេ៕

ប្រែសម្រួល៖ សន្យា

ចុចអាន៖ គ្រឿងក្នុងរបស់ Park Soo Ryun នឹងត្រូវបរិច្ចាគ ក្រោយទទួលមរណភាពក្នុងវ័យ ២៩ ឆ្នាំ

ចុចអាន៖ ទឹកដោះគោកញ្ចប់ថៃ លក់អស់ពីហាង ក្រោយ Lisa ថតឃ្លីបបង្ហោះជាមួយមិត្តភក្តិ