គ្រឿងក្នុងរបស់ Park Soo Ryun នឹងត្រូវបរិច្ចាគ ក្រោយទទួលមរណភាពក្នុងវ័យ ២៩ ឆ្នាំ

តារាស្រីកូរ៉េខាងត្បូង Park Soo Ryun ដែលធ្លាប់សម្ដែងរឿង “Snowdrop” ក្នុងកម្មវិធី Disney Plus K-drama បានបាត់បង់ជីវិតនៅវ័យ ២៩ ឆ្នាំ កាលពីថ្ងៃអាទិត្យ ទី១១ ខែមិថុនា ឆ្នាំ ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីរសៀលថ្ងៃអាទិត្យ នៅតាមផ្លូវទៅផ្ទះ Park Soo Ryun បានធ្លាក់ពីលើកាំជណ្ដើរ និងត្រូវ​បាន​គេ​បញ្ជូន​ទៅ​កាន់​មន្ទីរពេទ្យ​ក្នុង​តំបន់​ដើម្បី​ព្យាបាល​ជា​បន្ទាន់ ប៉ុន្តែក្រោយមកគ្រូពេទ្យប្រកាសថាខួរក្បាលរបស់នាងបានឈប់ដំណើរការទៅហើយ បន្ទាប់​ពី​ការ​ព្យាយាម​ជាច្រើន​ដង​ដើម្បី​ឲ្យ​នាង​រស់​ឡើង​វិញ ។

យ៉ាងណាមិញ ដើម្បីគោរពដល់ការចងចាំ និងបេះដូងដ៏កក់ក្តៅរបស់នាង ម្តាយរបស់ Park បានប្រកាសថាសម្រេចចិត្តបរិច្ចាគគ្រឿងក្នុងដែលនៅល្អទៅឲ្យមនុស្សកំពុងត្រូវការ ព្រោះ Park ស្លាប់តែខួរក្បាលទេពេលជួបគ្រោះថ្នាក់ ចំណែកឯបេះដូងរបស់នាងនៅដើរនៅឡើយ។ ម្ដាយឪពុកតារាស្រីរូបនេះនិយាយថា “ប្រាកដជាមានអ្នកត្រូវការគ្រឿងក្នុងចាំបាច់ ក្នុងនាមជាម្ដាយឪពុក ពួកយើងនឹងរស់នៅដោយស្រណុកចិត្ត ពេលដឹងថាបេះដូងនាងត្រូវបានបរិច្ចាគ ហើយកំពុងលោត” ។

សូមជម្រាបថា ថ្ងៃបុណ្យសពចុងក្រោយរបស់នាងធ្វើឡើងកាលពីថ្ងៃចន្ទ ទន្ទឹមនឹងពិធីបុណ្យសពដែលគេរៀបចំឡើងនៅមន្ទីរពេទ្យ Suwon នៃមជ្ឈមណ្ឌលវេជ្ជសាស្ត្រខេត្ត Gyeonggi ។

ស្រដៀងគ្នានេះដែរ កាលពីខែមករា ឆ្នាំ ២០២២ តារាស្រីសម្ដែងក្នុងរឿង Snowdrop​ ជាមួយ Park ឈ្មោះ Kim Mi-soo ក៏បានបាត់បង់ជីវិតដូចគ្នា ប៉ុន្តែមូលហេតុនៃការស្លាប់នៅតែមិនបញ្ចេញជាសាធារណៈមកទល់បច្ចុប្បន្ន ៕

ប្រែសម្រួល ៖ វារី

ប្រភព ៖ Dailymail

ចុចអាន ៖ រកឃើញសាកសពតារាចម្រៀងកូរ៉េ Haesoo នៅក្នុងបន្ទប់សណ្ឋាគារ មិនទាន់ដឹងមូលហេតុស្លាប់