ជីវិតកម្សាន្ដ

វណ្ណដា ត្រៀមចេញទៅសម្ដែងលើកដំបូងនៅប្រទេសជប៉ុន

បានផុស

៣ years មុន

នៅ

ថ្ងៃសុក្រ ២៣ មិថុនា ២០២៣

ដោយ

លោក វណ្ណដា តារាចម្រៀងរ៉េបវ័យក្មេង បច្ចុប្បន្នកំពុងសាងកេរ្តិ៍ឈ្មោះល្បីល្បាញខ្លាំងទាំងទីផ្សារក្នុង និងក្រៅស្រុក។ វណ្ណដា ក៏ជាតារាចម្រៀងខ្មែរមួយរូប ធ្វើឲ្យប្រទេសជិតខាងជាច្រើនបានស្គាល់ពីតម្លៃសិល្បៈនៅកម្ពុជា ព្រោះលោកតែងនាំយកវប្បធម៌ អរិយធម៌ខ្មែរ ទៅបង្ហាញនៅលើឆាកអន្តរជាតិឲ្យពិភពលោកបានដឹង និងទទួលស្គាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ខណៈពេលទីផ្សារសិល្បៈកំពុងទទួលបានការគាំទ្រច្រើនពីមហាជន និងមិត្តៗយុវវ័យនេះដែរ តារាចម្រៀងរ៉េបលោក វណ្ណដា ក៏ស្រាប់តែមានដំណឹងដ៏ចាប់អារម្មណ៍ និងរំភើបមួយទៀត បន្ទាប់ពីមានការទម្លាយថា លោកកំពុងត្រៀមទៅបង្ហាញខ្លួនលើកដំបូងនៅប្រទេសជប៉ុននាពេលឆាប់ៗខាងមុខនេះទៀតផង។

ជាក់ស្ដែងតារាចម្រៀងលោក វណ្ណដា បានបញ្ជាក់ថា «I’m going to see you guys in Japan!។ ខ្ញុំនឹងឡើងសម្ដែងនៅ RAISE Club ក្នុងទីក្រុង Tokyo នាថ្ងៃទី ១៦ ខែកក្កដា ឆ្នាំ ២០២៣ ខាងមុខនេះ ដោយនឹងមានវត្តមានរបស់កំពូលតារាចម្រៀងរ៉េប Awich ផងដែរ»។

តារារ៉េបលោក វណ្ណដា បាននិយាយបន្ថែមថា «នេះជាលើកដំបូងដែលខ្ញុំចេញទៅសម្ដែងនៅកម្មវិធី នៅប្រទេសជប៉ុន..ខ្ញុំពិតជាមានអារម្មណ៍រំភើបមែនទែនដែលត្រូវបានអញ្ជើញទៅសម្ដែង និងមានឱកាសបានជួបអ្នកគាំទ្រនៅក្រៅប្រទេស ក៏ដូចជាបងប្អូនខ្មែរយើងដែលរស់នៅទីនោះ»។

ដំណឹងនេះដែរបានធ្វើឲ្យអ្នកគាំទ្រលោកជាច្រើនសម្ដែងការចូលរួមអបអរគ្រប់គ្នា ខណៈបច្ចុប្បន្នវណ្ណដា គឺជាតារាចម្រៀងរ៉េបដែលមិនត្រឹមតែសាងកេរ្តិ៍ឈ្មោះល្បីល្បាញខ្លាំងនៅក្នុងប្រទេសកម្ពុជាប៉ុណ្ណោះទេ តែលោកក៏ក្ដាប់បានឱកាសច្រើនក្នុងការចេញទៅច្រៀងនៅក្រៅប្រទេសទៀត។ ទាំងនេះបាន ស.បញ្ជាក់ឲ្យឃើញថា វណ្ណដា កំពុងមានឥទ្ធិពលលេចធ្លោលើវិស័យចម្រៀងបច្ចុប្បន្ន៕

អត្ថបទ ៖ ចាន់រ៉ា