ជីវិតកម្សាន្ដ

T.O.P និងតារាល្បីៗច្រើនទៀត នឹងមានវត្តមានក្នុងរឿង “Squid Game វគ្គ២”

បានផុស

៣ years មុន

នៅ

ថ្ងៃព្រហស្បតិ៍ ២៩ មិថុនា ២០២៣

ដោយ

Squid Game ដែលជារឿងភាគកូរ៉េដ៏ល្បីរបស់ Netflix បានក្លាយជាបាតុភូតសកលភ្លាមៗ ចាប់តាំងពីរដូវកាលទី ២ ត្រូវបានបញ្ជាក់ ខណៈអ្នកគាំទ្រជាច្រើនបានទន្ទឹងរង់ចាំតួសម្តែងចេញមកជាបន្តបន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លងមកមានការប្រកាសថា Park Gyu Young ត្រូវបានសម្ដែងជាតួឯកស្រីថ្មី។ កំឡុងពេល Tudum: A Global Fan Event, Netflix បានធ្វើសេចក្តីប្រកាសមួយចំនួនទាក់ទងនឹងរឿងភាគរបស់ Squid Game ថាតារាសម្តែង Im Si Wan និង Yim Si Wan, Kang Ha Neul, Park Sung Hoon, Lee Jung Jae និង Lee Byung Hun សុទ្ធតែត្រូវបានបញ្ជាក់ឲ្យដឹងថាអ្នកទាំងនោះនឹងក្លាយជាតួថ្មីក្នុងរឿង Squid Game វគ្គ២ ហើយតារាប្រុស Wi Ha Joon និង Gong Yoo នឹងត្រលប់មកវិញដូចគ្នា។

យ៉ាងណាមិញនាពេលថ្មីៗនេះ ក្រុមហ៊ុន Netflix បានធ្វើសេចក្តីប្រកាសធំមួយទៀតថា អតីតសមាជិកក្រុម IZ*ONE Jo Yu Ri, Kang Ae Sim, Lee David, Lee Jin Uk, Choi Seung Hyun ត្រូវបានគេស្គាល់ថាជាអតីតសមាជិកក្រុម BIGBANG T.O.P, Roh Jae Won និង Won Ji An នឹងមានវត្តមានចូលរួមសម្តែងក្នុងរឿង Squid Game វគ្គ២ដូចគ្នាផងដែរ ។

ដំណឹងមួយនេះក៏បានធ្វើឲ្យអ្នកគាំទ្ររបស់ T.O.P មានការសប្បាយចិត្តជាខ្លាំង ព្រោះមិននឹកស្មានថាតារាប្រុសរូបនេះនឹងបង្ហាញវត្តមានសំខាន់ក្នុងរឿងភាគដ៏ល្បីទូទាំងពិភពលោក។ ក្នុងនោះទស្សនិជនបន់ឲ្យតែដល់ថ្ងៃចាក់បញ្ចាំង Squid Game វគ្គ២ ឆាប់ៗនោះទេ៕