ជីវិតកម្សាន្ដ

ស្ងាត់ៗ ជី ដេវីត ស្កាត់ទៅរៀនភាសាបាលីសំស្ក្រឹត បង្ហាញគំរូល្អដល់យុវជនខ្មែរ

បានផុស

៣ years មុន

នៅ

ថ្ងៃព្រហស្បតិ៍ ១៣ កក្កដា ២០២៣

ដោយ

ប្រាកដណាស់ តារាចម្រៀងរ៉េប លោក ងួន ចាន់ដេវីត ឬហៅថា G-Devith គេតែងសង្កេតឃើញពីទីផ្សារសិល្បៈរបស់លោកក្នុងពេលបច្ចុប្បន្ននៅតែមានសន្ទុះទីផ្សារគាំទ្រច្រើនមិនចាញ់តារារួមជំនាន់ឯទៀតឡើយ។ ម្យ៉ាងទៀតលោកបានបញ្ចេញស្នាដៃបទចម្រៀងថ្មីៗជាបន្ត បន្ទាប់ដើម្បីប្រជែងទីផ្សារសិល្បៈបច្ចុប្បន្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលដែលទីផ្សារសិល្បៈ និងបទចម្រៀងរបស់ G-Devith កាន់តែទទួលបានការគាំទ្រហើយលេចធ្លោខ្លាំង ថ្មីៗនេះ ស្រាប់តែមានការទម្លាយថា តារា ចម្រៀងរ៉េបរូបនេះ បានសម្រេចចិត្តទៅចូលរៀនបន្ថែមនូវចំណេះវិជ្ជា គឺរៀនភាសាបាលីសំស្ក្រឹត ដែលនេះ គឺបានបង្ហាញជាគំរូល្អមួយសម្រាប់យុវជនខ្មែរ ជំនាន់ក្រោយ។

ជាក់ស្ដែង គេឃើញមានការបង្ហោះ ជារូបភាព ភ្ជាប់ខ្លឹមសារបញ្ជាក់ដូច្នេះថា «សូមស្វាគមន៍សិស្សថ្មី ថ្នាក់ភាសាសំស្ក្រឹតមូលដ្ឋានបង្រៀនដោយព្រះបាលិកោសលបណ្ឌិត សែម ឈុនលី ក្នុងវគ្គបណ្ដុះបណ្ដាលជំនាញភាសាបាលី ទីចាត់ការកិច្ចការបាលីនៃពុទ្ធិកវិទ្យាល័យព្រះសុរាម្រិត»។

សូមជម្រាបដែរថា តារាចម្រៀងរ៉េបវ័យក្មេងលោក ងួន ចាន់ដេវីត ហៅ G -Devith អំឡុងពេលចុងក្រោយនេះ លោកបានបញ្ចេញស្នាដៃបទចម្រៀងថ្មីៗជាបន្តបន្ទាប់ ខណៈបទមួយចំនួនក៏បានសរសេររៀបរាប់ពីប្រវត្តិសាស្ត្ររបស់កម្ពុជាថែមទាំងមានចំណងជើងជាភាសាបាលីសំស្ក្រឹត ព្រមទាំងតែងទទួលបានការគាំទ្រយ៉ាងច្រើនពីមហាជន និងមិត្តៗយុវវ័យ៕

អត្ថបទ៖ ចាន់រ៉ា