ទើបដើរបង្ហាញម៉ូដចប់ តារាជើងចាស់ Ann Thongprasom ស្រាប់តែចូលពេទ្យវះកាត់ដុំសាច់

ទើបតែដើរបង្ហាញម៉ូដឱ្យកម្មវិធី NIQLO Fall/Winter 2023 ចប់ភ្លាម តារាជើងចាស់ Ann Thongprasom ស្រាប់តែបង្ហោះរូបភាពចូលសម្រាកមន្ទីរពេទ្យ ដែលធ្វើឱ្យមិត្តភក្តិ និងអ្នកគាំទ្រសម្ដែងក្ដីបារម្ភចំពោះសុខភាពរបស់នាងសឹងគ្រប់គ្នា។

ក្នុងនោះតារាសម្ដែង Ann Thongprasom ទម្លាយ​មូលហេតុ​ថា ខ្លួនចូលសម្រាកព្យាបាលនៅមន្ទីរពេទ្យ ដោយសារត្រូវវះកាត់ដុំសាច់ស្បូន ហើយនេះជាលើកទីមួយហើយដែលនាងមានជំងឺធ្ងន់ដល់ថ្នាក់នេះ។

យ៉ាងណាមិញ ស្ថានភាពដុំសាច់ស្បូនរបស់តារាសម្ដែង និងអ្នកដឹកនាំរឿងរូបនេះ ពុំមានសភាពធ្ងន់ធ្ងរខ្លាំងពេកនោះទេ ពោលគឺការវះកាត់បានដោយជោគជ័យ ហើយបន្ទាប់ពីវះកាត់រួចរាល់ គ្រូពេទ្យប្រាប់ថា ដុំសាច់មិនរីករាលដាលឡើយ។

ក្រោយដឹងពីស្ថានភាពសុខភាពរបស់ Ann ទស្សនិកជនបាន​ផ្ញើសារបង្ហាញក្ដីបារម្ភ និងសារលើកទឹកចិត្តដ៏ច្រើនលើសលុប ចំណែកសាមីខ្លួនក៏បានតបសារអរគុណដល់ទស្សនិកជនវិញផងដែរ៕

ប្រែសម្រួល៖ សន្យា

ចុចអាន៖ ៣ ឈុតពី Pu Praya នៅប៉ារីស ធ្វើឱ្យអ្នករិះគន់អន់ចង់