អ្នកគាំទ្រខឹងជំនួស ក្រោយទស្សនាវដ្ដី Variety ចុះផ្សាយអត្ថបទដៀមដាម Jungkook

អ្នកនិយមលេងអ៊ីនធឺរណិតមិនពេញចិត្តយ៉ាងខ្លាំងទៅលើទស្សនាវដ្ដី Variety បន្ទាប់ពីទស្សនាវដ្ដីនេះបានបោះពុម្ពផ្សាយអត្ថបទហាក់ដៀមដាម Jungkook សមាជិកក្រុម BTS នៅក្នុងបទសម្ភាសន៍ថ្មីមួយ។

នៅថ្ងៃទី១៤ ខែកក្កដា Jungkook បានទម្លាក់បទចម្រៀងទោលរបស់ខ្លួនដែលមានចំណងជើងថា “Seven” ​ដែលបទនេះ​ធ្វើឱ្យទស្សនិកជន ជាពិសេស ARMYs ​សម្ដែង​អារម្មណ៍​រំភើបយ៉ាងខ្លាំង។ បន្ទាប់ពី MV របស់ Jungkook ចេញផ្សាយ សារព័ត៌មាននានាបានសម្រុកគ្នាចេញអត្ថបទព្រោងព្រាតអំពីបទទោលរបស់សមាជិកកូនពៅរបស់ BTS ដែលមួយក្នុងចំណោមនោះគឺការបោះពុម្ភផ្សាយរបស់ទស្សនាវដ្ដី Variety ។

ក្រោយពេលទស្សនាវដ្ដី Variety ចេញផ្សាយអត្ថបទកិច្ចសម្ភាសន៍ជាមួយ Jungkook ក្រុមអ្នកគាំទ្រស្រាប់តែនាំគ្នាខឹងសម្បារ ដោយចាត់ទុកការបោះពុម្ពផ្សាយមួយនោះ ជាការមាក់ងាយសមត្ថភាពភាសាទៅលើតារាប្រុសរូបនេះ។

នៅក្នុងអត្ថបទទស្សនាវដ្ដី Variety សរសេរថា ខ្លួនបានបញ្ចប់កិច្ចសម្ភាសន៍ជាមួយ Jungkook ដោយអមជាមួយនឹងអ្នកបកប្រែ ខណៈ ARMYs យល់ឃើញថា Variety កំពុងតែមិនឱ្យតម្លៃលើជំនាញភាសាអង់គ្លេសរបស់ Jungkook ក៏ដូចជាសមាជិក BTS ដទៃទៀត។ ចំពោះរឿងនេះ អ្នកគាំទ្រចាត់ទុកជាទង្វើមិនគោរពចំពោះ Jungkook នោះទេ៕

ប្រែសម្រួល៖ សន្យា

ចុចអាន៖ ព្រះសង្ឃកូរ៉េមួយអង្គ មិនអនុញ្ញាតឱ្យ Jennie ចូលវត្ត ព្រោះនាងល្បីពេក

ចុចអាន៖ BTS ចូលបម្រើកងទ័ព! តើ BLACKPINK នឹងគ្រប់គ្រងឧស្សាហកម្មតន្ត្រី Kpop ទេ?