ជីវិតកម្សាន្ដ

G-Devith ចាត់ទុកភាពល្បីល្បាញរបស់លោក បានមកពីការគាំទ្រដ៏ស្មោះត្រង់

បានផុស

៣ years មុន

នៅ

ថ្ងៃចន្ទ ១៧ កក្កដា ២០២៣

ដោយ

ទន្ទឹមគ្នាដែលទទួលបានការគាំទ្រពីមហាជន និងមិត្តៗ យុវវ័យ តារាចម្រៀងរ៉េបលោក ងួន ចាន់ដេវីដ ហៅ G-Devith កាន់ក្រសោបបានទីផ្សារចម្រៀងច្រើនអំឡុងពេលប៉ុន្មានឆ្នាំចុងក្រោយនេះ។បទចម្រៀងតារាប្រុសរូបនេះ តែងទទួលបានការគាំទ្រផងដែរពីមហាជនគ្រប់មជ្ឈដ្ឋានទូទាំងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នា នៃសន្ទុះទីផ្សារសិល្បៈអំណោយផល និងទាញបានការគាំទ្រពីសំណាក់មិត្តៗ យុវវ័យ លោក G-devith បានបង្ហាញមោទនភាពជាមួយអារម្មណ៍សប្បាយចិត ខណៈឃើញការគាំទ្រមួយចំនួនកើតចេញពីបេះដូងពិតអារម្មណ៍ដោយស្មោះត្រង់។ ចំណុចនេះបានធ្វើឲ្យតារាចម្រៀងរ៉េបវ័យក្មេងG-devth មិនភ្លេចអរគុណអ្នកគាំទ្រដែលស្មោះត្រង់ចំពោះខ្លួនដោយគ្មានការប្រែប្រួលឡើយ។

តារាចម្រៀងរូបនេះបាននិយាយថា «ខ្ញុំចង់ឲ្យអ្នកដឹងថា ខ្ញុំមានកិត្តិយសដែលបានជួបអ្នកទាំងអស់គ្នា ខ្ញុំមានមោទនភាពដែលខ្ញុំមានអ្នកជាអ្នកគាំទ្រស្មោះត្រង់ ការខំប្រឹងប្រែងរបស់ខ្ញុំ គឺមិនអាសាបង់នោះទេ អរគុណដែលតែងតែនៅជាមួយខ្ញុំ ខ្ញុំស្រលាញ់អ្នកទាំងអស់គ្នា (emoji ដៃបេះដូង)»។ខ្លឹមសាររបស់ G-devith ទៅកាន់អ្នកគាំទ្ររបស់ខ្លួននេះ ជាសារមួយដែលធ្វើឲ្យគ្រប់គ្នាយល់ថា លោកនៅតែផ្ដល់តម្លៃសម្រាប់អ្នកគាំទ្រ។

ប្រាកដណាស់តារាចម្រៀងរ៉េបលោក ងួន ចាន់ដេវីត ហៅ G-Devith គេសង្កេតឃើញថា សម្រាប់ទីផ្សារសិល្បៈរបស់លោកបច្ចុប្បន្ន នៅតែមានសន្ទុះគាំទ្រច្រើនមិនចាញ់តារារួមជំនាន់ឯទៀតឡើយ។ ម្យ៉ាងទៀត លោកបានបញ្ចេញស្នាដៃបទចម្រៀងថ្មីៗ (Original Song) ជាបន្តបន្ទាប់ ដើម្បីប្រជែងទីផ្សារសិល្បៈបច្ចុប្បន្ន៕

អត្ថបទ ៖ ចាន់រ៉ា