បុរសម្នាក់ហ៊ានភ្នាល់ជិត ៨លានដុល្លារ ព្រោះច្បាស់ថា តារាសម្ដែង Jo Byeong Kyu ធ្លាប់ Bullying មិត្តភក្តិ

បុរសម្នាក់ហ៊ានភ្នាល់ប្រាក់ផ្ទាល់ខ្លួនយ៉ាងច្រើនសន្ធឹកសន្ធាប់ជាមួយតារាសម្ដែង Jo Byeong Kyu ដោយគាត់អះអាងថា តារាប្រុសរូបនេះធ្លាប់មាក់ងាយ និងគំរាមសម្លុត (Bullying) មិត្តភក្តិ កាលសិក្សានៅបរទេស។

អតីតមិត្តរួមសាលាម្នាក់ចេញមុខមកភ្នាល់ប្រាក់ចំនួន ១០ទ្រីលានវ៉ុន (ប្រហែល ៧.៨លានដុល្លារអាមេរិក) ជាមួយ Jo Byeong Kyu និងផលិតកម្មរបស់តារាប្រុសរូបនេះ និងបានអំពាវនាវឱ្យមានការស៊ើបអង្កេតជាសាធារណៈ ព្រោះគាត់មានភស្តុតាងគ្រប់គ្រាន់ដើម្បីចោទប្រកាន់ Jo Byeong Kyu ថាពិតជាធ្លាប់ Bullying មិត្តភក្តិ អំឡុងពេលសិក្សានៅប្រទេសនូវែលសេឡង់។ ប្រសិនបើគាត់ចាញ់ គាត់នឹងបង់ប្រាក់ទៅ Jo Byeong Kyu ព្រមទាំងស្ម័គ្រចិត្តបម្រើយោធាកូរ៉េ និងសម្អាតទីសាធារណៈរយៈពេល ១០ឆ្នាំ។

ពាក់ព័ន្ធករណីនេះ ផលិតកម្ម HB Entertainment របស់ Jo Byeong Kyu បានបដិសេធរាល់ការចោទប្រកាន់ ហើយប្រកាសចាត់វិធានការតាមផ្លូវច្បាប់ទៅលើបុរសរូបនោះ៕

ប្រែសម្រួល៖ សន្យា

ចុចអាន៖ តារាកូរ៉េ ៥រូប មានអ្នកស្វែងរកច្រើនបំផុត ក្នុងខែនេះ