ជីវិតកម្សាន្ដ

តើតារា K-pop លោក Jackson ពិតជាត្រូវ ថៃ ជួលឲ្យរើសសំរាមដូចការចុះផ្សាយមែនឬ?

បានផុស

៣ years មុន

នៅ

ថ្ងៃចន្ទ ៣១ កក្កដា ២០២៣

ដោយ

កាលពីប៉ុន្មានថ្ងៃមកនេះ សារព័ត៌មាននៅថៃជាច្រើនបានបង្ហាញចំណងជើងធំៗថា “ថៃជួលតារា K-pop លោក Jackson Wang ឲ្យមករើសសំរាម” ស្របពេលដែលនៅប្រទេសនេះបានយករូបភាពយុវជនស្ម័គ្រចិត្តរើសសំរាមកម្ពុជាមកផ្សាយជារបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ បន្ទាប់ពីរឿងរ៉ាវចម្រូងចម្រាសពាក់ព័ន្ធអ្នកស្ម័គ្រចិត្តរើសសំរាមជនជាតិខ្មែរ បានធ្វើឲ្យមហាជនជាច្រើនសម្រុកចូលទៅបញ្ចេញមតិហើយថារូបភាពនេះគឺនៅប្រទេសកម្ពុជានោះទេ។ ដែលនេះបានធ្វើឲ្យខាងថៃមានការខឹងសម្បារ រហូតហ៊ានចំណាយលុយជួលតារា K-pop មានដើមកំណើតចិន-ហុងកុង Jackson Wang មករើសសំរាមក្នុងប្រទេសខ្លួន ហើយខណៈកាលពីពេលថ្មីៗនេះ លោកក៏លេចមុខក្នុងនាមជាគ្គលិកហាង 7-Eleven ថែមទៀត។

ទាក់ទិននឹងរូបភាពរើសសំរាមនិងព្រមទាំងស្លៀកពាក់ជាបុគ្គលិកហាង 7-Eleven សុទ្ធតែមិនមែនជាការពិតដូចខាងប្រទេសថៃផ្សាយបំផ្លើសការពិតព្រោងព្រាតនោះទេ។ តាមពិតសមាជិកក្រុម Got7 រូបនេះ បានធ្វើដំណើរមកកាន់ប្រទេសថៃជាញឹកញាប់ ក្នុងនាមសម្ព័ន្ធមិត្តជាមួយសមាជិកក្រុមរបស់លោកគឺ BamBam និង Lisa ក្រុម Blackpink ព្រមទាំងតារាល្បីៗក្នុងប្រទេសថៃជាច្រើនទៀតតែប៉ុណ្ណោះ។ ហើយ Jackson តែងតែត្រូវប្រជាជនថៃចាត់ទុកដូចជាគ្រួសារ ក្នុងពេលដែលកម្មវិធីធំៗក្នុងប្រទេសមួយនេះតែងតែអញ្ញើញលោកមកមិនឲ្យអាក់ខានឡើយ។

ជាក់ស្ដែងកាលថ្ងៃទី ២៥ ខែកក្កដា ឆ្នាំ ២០២៣ Jackson Wang ដែលជាសិល្បករកូរ៉េដ៏ល្បីល្បាញក៏បានចូលរួមក្នុងព្រឹត្តិការណ៍ “Save the world with C-True, collect, separate, recycle” ដែលជាសកម្មភាពមួយស្របតាមគោលនយោបាយមិនបង្ហូរ។ ដោយរូបលោកស្ម័គ្រចិត្តជិះទូកប្រមូលសំរាមជាមួយអភិបាលក្រុងបាងកកលោក Chatchart នៅក្នុងសង្កាត់ព្រែក Soi Lad Phrao Wang Hin 41 ស្រុក Chatuchak ដែលបរិមាណសរុបពីការប្រមូលសំរាមក្នុងប្រឡាយថ្ងៃនោះទទួលបានកាកសំណល់រហូតដល់ ២.២ តោន។

ក្រោយមកនៅថ្ងៃ ២៧ ខែកក្កដា រូបភាពរបស់លោកក្នុងនាមជាបុគ្គលិកក្នុងហាង 7-Eleven បានលេចម្ដងទៀត រហូតធ្វើឲ្យមហាជនជាច្រើននិយាយថា លោកពិតជាធ្លាក់ខ្លួនក្លាយបុគ្គលិកហាង និងដើររើសសំរាមក្នុងប្រទេសថៃពិតមែន៕