ជីវិតកម្សាន្ដ

ស្នេហារបស់ Chompoo និងស្វាមីសេដ្ឋី Nott តាមពិតកើតឡើងដោយឥតព្រាងទុកឡើយ

បានផុស

៣ years មុន

នៅ

ថ្ងៃចន្ទ ១៤ សីហា ២០២៣

ដោយ

តារាសម្ដែង Chompoo Araya និងស្វាមីអ្នកជំនួញដ៏ល្បីឈ្មោះ Nott Visrut គឺជាគូស្នេហ៍មួយគូដែលមនុស្សជាច្រើនលួចច្រណែនក្នុងចិត្ត។ ចាប់ពីថ្ងៃដែលពួកគេសម្រេចចិត្តរៀបអាពាហ៍ពិពាហ៍ និងសាងគ្រួសារមកទល់សព្វថ្ងៃនេះមានរយៈពេល ៧ ឆ្នាំមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពេលថ្មីៗនេះ Chompoo បានរៀបរាប់ពីចំណងស្នេហ៍ជាមួយស្វាមីអ្នកជំនួញហៃសូ Nott Visrut ថា កាលពីមុននាងនៅក្មេង ហើយមានបទពិសោធន៍ស្នេហាតិចតួចប៉ុណ្ណោះ! នាងថា “ខ្ញុំមិនមានអ្នកគាំទ្រច្រើនទេ។ ការចាប់ផ្ដើមស្គាល់ប្ដី ព្រោះតែការងារដោយអ្នកគ្រប់គ្រងផ្ទាល់បាននិយាយថាគាត់ចង់និយាយ ចង់ស្គាល់ ពេលនោះខ្ញុំមិនពេញចិត្តទេ ព្រោះកាលណោះមានគំនិតថា បុរសដែលមានឋានៈខ្ពស់ ការណាត់ជួបតារាស្រីៗ គឺគ្រាន់តែជារបស់លេងប៉ុណ្ណោះ”។

រហូតដល់ច្រើនឆ្នាំបានកន្លងផុតទៅ ពួកគេពិតជាបានជួបគ្នាក្នុងកម្មវិធីខួបកំណើតរបស់តារាល្បីម្នាក់។ ពេលឃើញគ្នាភ្លាមក៏ចាប់ផ្ដើមនិយាយ ហើយចាប់ផ្តើមសិក្សានិងយល់ពីគ្នាបន្តិចម្ដង។ ក្រោយពីរាប់អានគ្នាជាគូស្នេហ៍ក៏មានការឈ្លោះប្រកែកគ្នាព្រោះអ្នកទាំងពីរសុទ្ធតែមានការងាររវល់ខ្លាំងរៀងៗខ្លួន ។ ប៉ុន្តែនៅទីបំផុត ពួកគេសម្របសម្រួលគ្នារហូតដល់ដល់យល់ពីគ្នាទៅវិញទៅមក។

យ៉ាងណាមិញ នៅទីបំផុតទើបអ្នកជំនួញប្រុសហៃសូ Nott Visrut បានសម្រេចចិត្តសុំគូស្នេហ៍ Chompoo រៀបអាពាហ៍ពិពាហ៍នៅថ្ងៃទី ០៦ ខែឧសភា ឆ្នាំ ២០១៥ ក្រោយអ្នកទាំងពីរទាក់ទងគ្នាមកជិត៦ឆ្នាំ ដោយទទួលបានកូនប្រុសស្រី៣នាក់ក្នុងបន្ទុកមកទល់សព្វថ្ងៃនេះ៕