Kwan ធ្លាប់ចង់បញ្ចប់ជីវិតខ្លួនឯង តែមិនបានសម្រេច ដោយសារបារម្ភពីម្ដាយ

និយាយនៅក្នុងវីដេអូមួយ តារាសម្ដែងថៃ ក្វាន់ យូសាម៉ានី (Kwan Usamanee) ទម្លាយជាសាធារណៈ​ថា ​ខ្លួន​ធ្លាប់​គិត​ចង់​បញ្ចប់​ជីវិត​ខ្លួន​ឯង​ដោយការលេបថ្នាំ ប៉ុន្តែបំណងមិនបានសម្រេច ព្រោះនឹកអាល័យម្ដាយពេក។

ទស្សនិកជននិយមតាមដានសិល្បៈថៃ មុខជាបានស្គាល់ច្បាស់តារាជួរមុខលំដាប់ប្រទេស ក្វាន់ យូសាម៉ានី ដែលជាតារាសម្ដែង និងបង្ហាញម៉ូដរបស់ប្រទេសថៃអស់ពេលជាច្រើនឆ្នាំ។ ក្វាន់ បានឈានជើងចូលក្នុងវិស័យសិល្បៈតាំងពីកុមារភាព ដែលគិតទល់ពេលនេះ វាមានរយៈពេល ៣០ឆ្នាំមកហើយ។  

ប្រឡូកសិល្បៈអស់ពេលយូរយ៉ាងនេះ នេះជាលើកទីមួយ ដែល ក្វាន់ ព្រមទម្លាយទុក្ខលំបាកនាងធ្លាប់ឆ្លងកាត់ ដែលមានពេលមួយនោះ នាងពិតជារងសម្ពាធជាច្រើនពីអាជីពរបស់នាង បូករួមទាំងការបាត់បង់ឪពុកផង វាបានធ្វើឱ្យនាងគិតចង់ធ្វើអត្តឃាត ប៉ុន្តែមិនបានសម្រេចនោះទេ។ កាលណោះនាងបម្រុងនឹងលេបថ្នាំងងុយដេកដើម្បីបញ្ចប់ជីវិត តែចុងក្រោយ ដោយសារអាឡោះអាល័យម្ដាយ និងបារម្ភពីសុខទុក្ខរបស់គាត់ ទើបនាងបញ្ឈប់គំនិតសម្លាប់ខ្លួនទៅ។

ក្រោយដឹងរឿងនេះ អ្នកគាំទ្របានសម្ដែងក្ដីអាណិតអាសូរដល់នាង និងបានខម្មិនលើកទឹកចិត្តតារាស្រីរូបនេះយ៉ាងច្រើនសន្ធឹក ចំណែកសាមីខ្លួន ហាក់ទទួលបានភាពកក់ក្ដៅយ៉ាងខ្លាំងពីអ្នកគាំទ្រផងដែរ៕

ប្រែសម្រួល៖ សន្យា

ចុចអាន៖ ក្រៅពីសិល្បៈ Kwan ជាម្ចាស់ជំនួញដ៏ជោគជ័យមួយរូប

ចុចអាន៖ ខែក្រោយចូលរោងការ Kimberly ជប់លៀងលាភាពនៅលីវ សុទ្ធតែតារាល្បីៗចូលរួម