J-Hope បង្ហោះរូបឯកសណ្ឋានយោធាប៉ុន្មានសន្លឹក តែអ្នកគាំទ្របែរចាប់អារម្មណ៍នឹងស្បែកជើង

ថ្មីៗនេះ J-Hope សមាជិកក្រុម BTS បានបង្ហោះរូបថ្មីក្នុងឯកសណ្ឋានយោធានៅលើគណនី Instagram ផ្ទាល់ខ្លួន ប៉ុន្តែអ្នកលេងអ៊ីនធឺរណិតហាក់មិនសូវចាប់អារម្មណ៍នឹងរូបរាងរបស់លោកឡើយ ដោយពួកគេនាំគ្នាចាប់អារម្មណ៍ទៅលើស្បែកជើងរបស់លោកទៅវិញ។  

នៅថ្ងៃទី១៦ ខែសីហា J-Hope បានធ្វើឱ្យអ្នកគាំទ្រភ្ញាក់ផ្អើលជាមួយនឹងការអាប់ដេតរូបថ្មីៗប៉ុន្មានសន្លឹក ខណៈតារា​រូប​នេះ​មើល​ទៅនៅតែ​សង្ហា​​ក្នុង​ឯកសណ្ឋាន​យោធា​របស់​លោក។ ផ្ទុយទៅវិញ ទស្សនិកជនមិនសូវផ្ដោតលើរូបសម្រស់ បែរនាំគ្នាចាប់អារម្មណ៍ទៅលើស្រោមទូរសព្ទ ស្បែកជើងកវែង និងសម្ភារតាំងក្នុងបន្ទប់ឯណោះ។

ក្នុងរូបភាពរបស់ J-Hope អ្នកនិយមលេងអ៊ីនធឺណេតផ្ទុះការចាប់អារម្មណ៍ជាងគេនឹងស្បែកជើងកវែងពីរគូដែលតម្រៀបនៅក្នុងបន្ទប់ ព្រោះវាជាស្បែកជើងប្រេន មិនមែនគ្រប់គ្នាចេះតែមានប្រើនោះទេ ជាពិសេសក្នុងនាមជាយោធា វាពិតជារឿងប្លែកដែល J-Hope មានស្បែកជើងប្រភេទនេះប្រើប្រាស់។

យ៉ាងណាមិញ អ្នកគាំទ្រជាច្រើនបានលើកឡើងថា សមាជិក BTS រូបនេះ យកវាមកតាំងលម្អបន្ទប់ជំនួសគ្រឿងសង្ហារិមប៉ុណ្ណោះ៕

ប្រែសម្រួល៖ សន្យា

ចុចអាន៖ ឌីជេ សូដា ឆ្លើយតបនឹងមតិផ្លែផ្កាថា នាងស្លៀកពាក់សិចស៊ីពេក ទើបគេហ៊ានស្ទាបដើមទ្រូង