ជីវិតកម្សាន្ដ

Ice នឹងត្រូវកាត់ទោសជាមួយជនសង្ស័យដែលប្រើថ្នាំពុល Cyanide សម្លាប់មនុស្ស

បានផុស

២ years មុន

នៅ

ថ្ងៃសុក្រ ១៨ សីហា ២០២៣

ដោយ

ក្រោយការស៊ើបអង្កេតអស់រយៈពេលជាច្រើនខែ ពេលនេះប៉ូលិសបានបញ្ចាក់ថា តារាសម្ដែង Ice Preechaya អាចនឹងត្រូវកាត់ទោសរួមជាមួយនឹងជនសង្ស័យ Am ដែលសម្លាប់មិត្តភក្តិខ្លួនឯងដោយការបំពុលសារធាតុ Cyanide។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី ១៦ ខែសីហា ឆ្នាំ ២០២៣ នៅមជ្ឈមណ្ឌលជូនដំណឹងរបស់ការិយាល័យស៊ើបអង្កេតកណ្តាល អ្នកតំណាងស្របច្បាប់ បានមកដាក់ពាក្យបណ្ដឹងប្រឆាំងនឹងក្រុមមនុស្សដែលពាក់ព័ន្ធនឹងការនាំចូល ចែកចាយ ការជួញដូរសារធាតុ Cyanide ដែលជាសារធាតុគីមីគ្រោះថ្នាក់ រួមទាំងអ្នកដែលប្រើខុស យោងតាមច្បាប់ស្តីពីសារធាតុគ្រោះថ្នាក់ មាត្រា ៤៥ (៤)។

ក្នុងនោះគេបានរកឃើញថា មានតារាសម្ដែងស្រីវ័យក្មេងម្នាក់ឈ្មោះ Ice Preechaya ត្រូវកាត់ទោសរួមជាមួយជនសង្ស័យ Am ដែលប្រើប្រាស់សារធាតុ Cyanide លាយអាហារ និងទឹកផឹក បំពុលជនរងគ្រោះចំនួន ១៤នាក់ រួមទាំងអ្នកដែលប្រើខុស ទាំងអ្នកនាំចូល ឈ្មួញនិងប្រើប្រាស់មិនត្រឹមត្រូវ សរុបចំនួន ៣១ករណី។

យ៉ាងណាមិញក្នុងពេលដែលទើបតែធូរស្រាលផ្លូវចិត្តមួយរយៈមិនទាន់បានប៉ុន្មានផង Ice ស្រាប់តែលេចឮដំណឹងសារធាតុ Cyanide ម្ដងទៀត។ ដែលនេះធ្វើឲ្យម្ដាយរបស់នាងចេញមុខបកស្រាយពីស្ថានភាពកូនស្រីថា គាត់មិនអាចធានាបាននៅផ្លូវចិត្តរបស់នាងពេលនេះទេ។

ក្នុងនោះគាត់និយាយបន្ថែមទៀតថា កូនស្រីបានបង្ហាញភាពស្មោះត្រង់ រួមទាំងភស្តុតាងគឺនៅប៉ុស្តិ៍ប៉ូលិសអស់ហើយ!ម្យ៉ាងទៀត គាត់មិនចង់ឲ្យកូនមានបញ្ហាប៉ះពាល់ការងារ ឬរឿងបែបហ្នឹងទៀត។ព្រោះនាងធ្លាប់ជួបរឿងអាក្រក់មួយរយៈមកហើយ។

ទោះយ៉ាងណាក៏ដោយ ឧត្ដមសេនីយ៍ទោ Surachet Hakpal បានប្រកាសរួចហើយថា នាងមកជួបនៅពេលនោះក្នុងនាមជាសាក្សី មិនមែនជាជនជាប់ចោទទេ។ ដូច្នេះប្រសិនបើមន្ទីរឧស្សាហកម្ម នឹងកាត់ទោសឈ្មោះ Ice ពីបទកាន់កាប់សារធាតុញៀន នាងនឹងមានមេធាវីការពារក្ដៅហើយ៕