គេហដ្ឋានថ្មីរបស់ Mark-Kimberley តម្លៃរយលានឯណោះ

គូស្នេហ៍ Mark Prin និង Kimmy Kimberly ថ្មីៗនេះបានប្រារព្ធពីធីភ្ជាប់ពាក្យតាមប្រពៃណីថៃ និងរៀបចំពិធីឡើង​គេហដ្ឋាន​ដ៏ប្រណីត ក្នុងថ្ងៃតែមួយ ខណៈផ្ទះថ្មីនេះត្រូវបានគេដឹងថាមានតម្លៃដល់ទៅរយលានបាតឯណោះ។

ក្រោមបរិយាកាសកក់ក្តៅពីសំណាក់ក្រុមគ្រួសារទាំងសងខាង និងមិត្តភក្តិយ៉ាងច្រើនកុះករ កាលពី​ព្រឹក​ថ្ងៃ​ទី​២៦ ខែសីហា ឆ្នាំ​២០២៣ គូស្នេហ៍តារាសម្ដែង Mark-Kimberly បានរៀបចំ​ពិធី​ភ្ជាប់​ពាក្យ​បែបប្រជាជន​ភាគខាងជើង ព្រមទាំងប្រារព្ធ​ពិធី​ឡើង​គេហដ្ឋាន​ថ្មីយ៉ាងអធិមអធម ដែលមានការចូលរួមអបអរសាទរយ៉ាងច្រើនពី​ក្រុមគ្រួសារ សាច់ញាតិ និងមិត្ត​ជិតស្និទ្ធ។

ដោយឡែកចំពោះគេហដ្ឋានថ្មីរបស់គូស្នេហ៍ទាំងពីរត្រូវបានគេរាយការណ៍ថា មានតម្លៃប្រមាណ ១០០លានបាត (ប្រហែល ២.៨លានដុល្លារអាមេរិក)។ បន្ទាប់ពីដឹងតម្លៃនៃគេហដ្ឋានដ៏ប្រណីតនេះ អ្នកគាំទ្រពិតជាការភ្ញាក់ផ្អើល ព្រមទាំងស្ងើចសរសើរចំពោះពួកគេផងដែរ ត្បិតគូស្នេហ៍ Mark-Kimberly ខំប្រឹងរកប្រាក់សង់ផ្ទះដោយខ្លួនឯង មុនពេលរៀបការរួមរស់ជាមួយគ្នា៕

ប្រែសម្រួល៖ សន្យា

ចុចអាន៖ ទស្សនា​ពិធី​ភ្ចាប់ពាក្យ​ និងឡើង​គេហដ្ឋាន​របស់ Mark និង Kimberly ក្នុង​តែមួយ

ចុចអាន៖ គ្រួសារអ្នកស្លាប់យំគគ្រូក ក្រោយ Kim Woo-bin ចូលរួមបុណ្យសពអ្នកគាំទ្រម្នាក់