ជីវិតកម្សាន្ដ

តារាថៃជាច្រើនអបអរភ្លូកទឹកភ្លូកដី ក្រោយ Bella ក្លាយជាថៅកែហាងកាហ្វេ

បានផុស

២ years មុន

នៅ

ថ្ងៃអង្គារ ២៩ សីហា ២០២៣

ដោយ

តារាល្បីៗជាច្រើនក្នុងប្រទេសថៃ បានសម្រុកមកចូលរួមអបអរសាទរដល់ Bella Ranee ក្រោយនាងក្លាយជាថៅកែស្រីនៅហាងកាហ្វេមួយ ដោយបន្ថែមលើអាជីពសម្ដែងសព្វថ្ងៃនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្បិតថាអាជីពតារាសម្ដែងរបស់នាងរវល់យ៉ាងណាក៏ដោយ ប៉ុន្តែនាពេលនេះ Bella បានបន្ថែមការងារថ្មីមួយទៀតក្នុងនាមជាម្ចាស់អាជីវកម្មហាងកាហ្វេមួយឈ្មោះថា Jo’s 365 ស្ថិតនៅជិត BTS Wongwian Yai ។ ក្នុងនោះនាងបានបញ្ចាក់ដែរថា បានចំណាយពេលនិងលះបង់យ៉ាងខ្លាំងក្នុងការវិនិយោគ ទម្រាំវាលេចចេញជារូបរាងឡើងនៅថ្ងៃនេះ។

តួឯកស្រីក្នុងរឿង “បុព្វេសន្និវាស” បានបង្ហោះរូបភាពតាមរយៈបណ្ដាញសង្គមផ្ទាល់ខ្លួន អមជាមួយនឹងខេបសិនថា “ ខ្ញុំចូលចិត្តពេលវេលាដែលពួកយើងអាចទំនាក់ទំនង ជជែកគ្នា ផ្លាស់ប្តូររឿងរ៉ាវ ចំណេះដឹង ធ្វើបច្ចុប្បន្នភាពជីវិតគ្នាទៅវិញទៅមក បញ្ជូនថាមពលល្អដល់គ្នាទៅវិញទៅមក។ Belle មានអារម្មណ៍ថាវាមានតម្លៃណាស់! សូមអរគុណអ្នកទាំងអស់គ្នា ដែលបានមកគាំទ្រពួកយើង”។

ក្នុងនោះ Bella បានបង្ហោះរូបភាពថ្លែងអំណរគុណដល់មិត្តភ័ក្តិ បងប្អូនក្នុងវិស័យសិល្បៈដែលបានមកចូលរួមអបអរសាទរ ដូចជា Kongthap Peak, Taew Nathaporn, Lydia-Matthew Demi-Nong Dylan, Palmy, Singto Numchok, Ice Sarunyu, Noi-Ken រួមទាំងអ្នកដឹកនាំរឿងផងដែរ៕