ជីវិតកម្សាន្ដ

អ៊ិន លក្ខិណា ជឿជាក់លើខ្លួនឯង និងការធ្វើអំពើល្អ

បានផុស

១ ខែ មុន

នៅ

ថ្ងៃសុក្រ ១ កញ្ញា ២០២៣

ដោយ

កញ្ញា អ៊ិន លក្ខិណា ថ្វីត្បិតតែមិនអាចដណ្ដើមបានជ័យលាភីគ្រងមកុដកញ្ញាឯក ប៉ុន្តែស្រីស្អាតរូបនេះ នៅតែជឿជាក់ និងមានក្ដីសង្ឃឹមសម្រាប់ខ្លួនឯង។ ម្យ៉ាងទៀត លក្ខិណា បានដាស់តឿនថា នាងតែងជឿជាក់លើការអំពើល្អ ព្រោះនឹងតបស្នងវិញមិនខាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កត់សម្គាល់នៅលើទំព័រហ្វេសប៊ុករបស់បវរកញ្ញាលំដាប់រងទី ២ អ៊ិន លក្ខិណា ជាបន្តបន្ទាប់ នាងតែងបញ្ចេញខ្លឹមសារថ្មីៗ ផ្ដោតលើអត្ថន័យលើកកម្លាំងចិត្ត និងការដាស់តឿនបន្ថែមសម្រាប់ខ្លួនឯង ក៏ដូចជាអ្នកគាំទ្រ។ កញ្ញា អ៊ិន លក្ខិណា បាននិយាយថា នាងជឿជាក់លើអំពើល្អ មិនថាអ្នកធ្លាក់ដល់ចំណុចណា ថ្ងៃណាមួយអំពើល្អដែលអ្នកបានសាងនឹងតបស្នងទៅអ្នកជាក់ជាមិនខាន។

កញ្ញា អ៊ិន លក្ខិណា លើកឡើងទៀតថា ប្រសិនជាអ្នកមិនធ្លាប់ឆ្លងកាត់ការឈឺចាប់ និងការរងទុក្ខនោះទេ អ្នកក៏មិនអាចរៀននូវអ្វីដែលថ្មី និងធ្វើឲ្យខ្លួនអ្នករឹងមាំបានដែរ។ នាងថា ការផ្ដល់កម្លាំងចិត្តឲ្យខ្លួនឯង គឺជាក្ដីសង្ឃឹមសម្រាប់អ្នក ចូរពេញចិត្តនូវជីវិតអ្នកថ្ងៃនេះ កុំចាំថ្ងៃស្អែក។

បវរកញ្ញាលំដាប់រងទី ២ នៃការប្រកួត Miss Grand 2023 អ៊ិន លក្ខិណា និយាយបន្តថា «ខ្ញុំមិនចង់ធ្វើ ជាមនុស្សស្រីទន់ជ្រាយទេ ខ្ញុំចង់ធ្វើជាមនុស្សស្រីរឹងមាំ ចង់ឲ្យមនុស្សស្រីគ្រប់គ្នាដឹងថា យើងមានជម្រើសក្នុងការក្រោកឈរឡើងវិញ ធ្វើជាខ្លួនឯង»។

គួររម្លឹកដែរថា កាលពីថ្មីៗនេះ មានមហាជន និងអ្នកគាំទ្រមួយចំនួន បានសម្ដែងការសោកស្ដាយ បន្ទាប់ពីស្រីស្រស់កញ្ញា អ៊ិន លក្ខិណា មិនអាចទទួលបានជ័យជំនះក្នុងការប្រកួត Miss Grand Cambodia២០២៣ កន្លងទៅនេះ៕

អត្ថបទ ៖ ចាន់រ៉ា