បទ “Seven” របស់ Jungkook ត្រូវបានជ្រើសរើសដណ្ដើមពានរង្វាន់ VMAs ប្រជែងជាមួយតារាល្បីៗលំដាប់ពិភពលោក

ក្រោយពេលចេញផ្សាយបានមួយខែ បទចម្រៀង “Seven” របស់ Jungkook សមាជិកកូនពៅក្រុម BTS ត្រូវបានគេជ្រើសរើសសម្រាប់ដណ្ដើមពានរង្វាន់ដ៏ធំប្រចាំឆ្នាំ ប្រជែងជាមួយតារាប៉ុបល្បីៗលំដាប់ពិភពលោកជាច្រើនរូប។

នៅថ្ងៃទី១ ខែកញ្ញា ចំនឹងថ្ងៃខួបកំណើតរបស់ Jungkook បទចម្រៀងទោលដំបូងរបស់សិល្បករ K-Pop រូបនេះ ដែលមានចំណងជើងថា “Seven” ត្រូវបានប្រកាសក្លាយជាបទចម្រៀងមួយក្នុងចំណោមបទចម្រៀងចំនួន ១៦បទ សម្រាប់ប្រកួតប្រជែងយកពានរង្វាន់ Song of the Summer ក្នុងកម្មវិធី MTV Video Music Awards (VMAs) ឆ្នាំ២០២៣ ។

បន្ទាប់ពីប្រកាសជាផ្លូវការ បទ “Seven” បានក្លាយជាបេក្ខភាពបទចម្រៀងកូរ៉េមួយដែលត្រៀមប្រជែងជាមួយសិល្បករល្បីៗដូចជា Beyoncé, Billie Eilish, Olivia Rodrigo និង Taylor Swift ។ ចំពោះការបោះឆ្នោតដណ្ដើមពានរង្វាន់ VMAs នឹងចាប់ផ្តើមនៅថ្ងៃទី៧ ខែកញ្ញា នេះ!

សូមទស្សនាវីដេអូចម្រៀង ៣ បទ ដែលត្រៀមដណ្ដើមពានរង្វាន់ VMAs

ប្រែសម្រួល៖ សន្យា

ចុចអាន៖ ទម្លាយតម្លៃបន្ទប់គេងថ្លៃកប់ពពក ពេល Jennie វិស្សមកាលនៅអាមេរិក

ចុចអាន៖ សមាជិកក្រុម 2PM មិនចង់ឱ្យម្ដាយមើលភាពយន្តខ្លួន ក្រោយសម្ដែងក្នុងរឿង ១៨+