តារាចម្រៀង និងមហាសេដ្ឋី Jimmy Buffett ទទួលមរណភាព

កាលពីថ្ងៃទី១ ខែកញ្ញា លោក Jimmy Buffett បានទទួលមរណភាពនៅអាយុ ៧៦ ឆ្នាំ ដោយភាពស្ងប់សុខ និងមានគ្រួសារ មិត្តភ័ក្ដិ ព្រមទាំងសុនខជាទីស្រលាញ់នៅកំដរ ។

ក្នុង​ខែ​ឧសភា តារា​ចម្រៀងអាមេរិក​រូប​នេះ ​ត្រូវ​បាន​គេ​បញ្ជូន​ទៅ​មន្ទីរ​ពេទ្យ​ដោយ​សារ​បញ្ហា​សុខភាព​មិន​ច្បាស់​លាស់​នៅ​ទីក្រុង Boston ។ យ៉ាងណាមិញ មូលហេតុនៃការស្លាប់របស់លោក Buffett មិនទាន់បង្ហាញជាសាធារណៈទេ ។

លោក Buffet កើតនៅឆ្នាំ ១៩៤៦ ហើយក្លាយជាតន្ត្រីករដ៏ល្បីម្នាក់អស់រយៈពេល ៥០ ឆ្នាំចុងក្រោយនេះ ។ បន្ទាប់ពីបានចេញអាល់ប៊ុមដំបូង “Down to Earth” ក្នុងឆ្នាំ ១៩៧០ គាត់បន្តទទួលបានភាពជោគជ័យយ៉ាងខ្លាំងឥតឈប់ឈរ ។

ដល់ឆ្នាំ ១៩៨៥ គាត់បានបើកហាងកាហ្វេ Margaritaville ដំបូងនៅរដ្ឋ Florida ដែលឈ្មោះហាងដូចឈ្មោះអាល់ប៊ុមចម្រៀងមួយរបស់គាត់ដែរ ។ បច្ចុប្បន្នគាត់មានភោជនីយដ្ឋាន និងបារជាង ៦០កន្លែង ព្រមទាំងសណ្ឋាគារ និងរមណីយដ្ឋានចំនួន ២០ ធ្វើឲ្យកើនទ្រព្យសម្បត្តិដល់ ១ ពាន់លានដុល្លារឯណោះ ៕

ប្រែសម្រួល៖ វារី

ប្រភព៖ insider

ចុចអាន៖ អ្នកកីឡាកាស Bray Wyatt បាត់បង់ជីវិតនៅអាយុ ៣៦ ឆ្នាំប៉ុណ្ណោះ